Juan 12:35 - Manobo Sarangani

³⁵ Minikagi si Jesus, “Domaan kaw pa te kelowahan te eked kenamay. Yan keilangan tomaking kaw te kelowahan amon eked kaw kesàbi te kengitngit. Se otaw mipanaw te kengitngit, yan se eked ketaga-taga aw kenan pesalo.

Juan 12:35 ပူးပေါင်းရင်းမြစ်များ

Luc. 18:37

Minikagi se menge doma, “Minokit dini si Jesus tege Nasarit.”

Juan 11:10

Meneng aw mipanaw se otaw te delem, mekedogsò sikandin so wedad den aldaw.”

Juan 11:9

Minikagi si Jesus, “Egsenang se aldaw te sempolò teg dowa oras te kelikit te aldaw. Aw mipanaw se otaw te aldaw, eked sikandin pekedogsò so melowa se aldaw.

Juan 12:36

Meneng dalem te doen pa kelowahan dini kenyo, keilangan tomaking kaw te kelowahan, amon meinang kaw sakop te kelowahan.” Penga te peg-ikagi i Jesus kenyan, nesayo kidoen aw mineles.

Juan 12:46

Siak se lowa dimini te keneyonan amon mekelowà lekat te kengitngitan se otaw memenal kanak.

Juan 16:16

“Te eked kenamay, eked a niyo den kitai. Penga niyan te eked kenamay, todà a niyo kitaen.”

Juan 7:33

Minikagi si Jesus diyà te otaw netipon, “Te eked kenamay, mesayo a lekat dini, so molì a doton te simogò kanak.

Juan 8:12

Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

2 Korinto 3:14

Meneng wedà keleseb se aneng-aneng te menge Judiyo, so magsen se olo dan. Lamig songkani aw besahen dan se libro sinolatan tepad te tapay peokit ininang te Timanem, nebelebagan se aneng-aneng dan so eked dan pa pekelabet. Eked keabat se nekebelabag te aneng-aneng dan singed aw memenal dan ki Jesu Cristo.

Galasya 6:10

Yan seini se mèpiya inangen tadon. Gayed tadon inangen se mèpiya diyà te kedita te otaw, aw labi pa diyà te menge kedowa tadon egpemenal.

Efeso 5:8

Kedengan, diyà kaw te kengitngitan, so wedà kaw pa ketaga-taga tepad te Timanem. Meneng songkani diyà kaw den te kelowahan, so migpesakop kaw diyà te Pengolo tadon. Yan keilangan imendayan niyo se keogpà niyo diyà te kelowahan.