Juan 12:26 - Manobo Sarangani

²⁶ Aw meibeg se otaw meinang sogounun ko, keilangan tomaking kanak, so pengkey kenan a pesalo, doton heman se sogounun ko. Iduyun te Amay ko se sogounun ko.”

Juan 12:26 ပူးပေါင်းရင်းမြစ်များ

Mat. 16:24

Penga niyan, minikagi si Jesus diyà te menge tinoledaan din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Mat. 25:21

Minikagi se amo din, ‘Mèpiya se ininang nikaw. So keseligan ka, labi pa dakel se ibegay ko diyà kamno. Ibeg ko meluba ka heman onawa te kanak pegkeluba.’

Mar. 8:34

Penga niyan, tinawal i Jesus se menge tinoledaan din sipat kedita te doma otaw netipon kidoen. Minikagi sikandin, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Luc. 12:37

Aw domateng se amo dan, ontò dan meluba aw wedà dan tedogi aw neketagad dan. Eneng-enengi niyo se kagi ko seini. Mèpiya se inangen din diyà kandan. Meg-ekas se amo dan, aw sikandin se megpepenenoo kandan kidoen te lemisa aw megpekaen kandan.

Luc. 6:46

“Eked kepakay aw mikagi kaw te siak se Pengolo niyo singed aw tomolò kaw te ipegtoladà ko kenyo.

Luc. 9:23

Nayan, minikagi si Jesus diyà te kedita dan nenenalan kandin, kagi din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Juan 10:27

Egpenenalan se karniro ko te kagi ko, aw netegahan ko dan, aw egtaking dan heman kanak.

Juan 13:16

Eneng-enengi niyo se kagi ko kenyo. Se sineligan, kenà melangkaw diyà te amo din. Se sogounun, kenà heman melangkaw diyà te otaw simogò kandin.

Juan 14:15

“Aw dakel se pedowan niyo kanak, yan tomolò kaw heman te impunù ko kenyo.

Juan 14:3

Aw mepenga se pegpetagad ko te ogpaan niyo, lomikò a dini aw ipetaking ko sikiyo amon meg-ogpà kaw doma ko.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

Juan 17:24

“Amà, se menge otaw insalig no diyà kanak, ibeg ko gayed dan meg-ogpà doma kanak kidoen te langit, amon komità dan te kelangkaw ko imbegay no kanak, so dakel se pedowan no kanak gebii te wedà pa inangi se keneyonan.

Juan 21:22

Timaba si Jesus, “Simpana ibeg ko eked sikandin kematay lamig te aldaw te peglikò ko, wedad labut no kenyan. Meneng keilangan gayed ka tomaking kanak.”

Roma 1:1

Siak si Pablo se simolat kani. Sineligan a i Jesu Cristo. Pinemallì a din amon inangen a sebad sogounun din megtoladà te Mèpiya Indan te Timanem tepad ki Cristo.

Roma 14:18

Aw yan se inangen te kedita tadon egtolò ki Cristo, meluba se Timanem kenitadon, aw mikagi heman se doma otaw te mèpiya se eg-inangen tadon.

2 Korinto 4:5

Sikandin se Pengolo eglowan aw yan se gayed ko ipegtoladà. Kenà ibeg ko iduyun se kanak pegkeotawun, meneng neketabang a kenyo pineokit te pegtoladà aw tandà te kedakel te pedowan ko ki Cristo.

2 Korinto 5:8

Gayed egkeantag se pedowan ko. Mèpiya kanak aw matay a amon megdoma a te Pengolo.

Galasya 1:10

Ikà niyo eg-aneng-aneng te ibeg ko iduyun a te doma otaw, meneng ibeg ko Timanem se domuyun kanak. Ikà niyo eg-aneng-aneng te ibeg ko meluba se doma otaw kanak, so aw yan se ibeg ko, eked a pegsagda te pegtoladà dan te kebolalaw. Meneng migsagda a den kandan so sogounun a i Cristo.

Filipos 1:23

Ontò egdowa-dowa se aneng-aneng ko tepad kenyan. Doen ibeg te pedowan ko domoton a te langit, so labi pa mèpiya aw meg-ogpà a doton doma ki Cristo.

Kolasas 3:24

Ikà niyo egkelibel te doen ontong ibegay te Pengolo tadon diyà kenyo doton te langit, so Pengolo tadon si Cristo se ontò amo tadon.

Kolasas 4:12

Minikagi heman si Epapras sebad heman sakop te probinsya niyo te dakel se pedowan din kenyo. Gayed sikandin egtolò te ibeg i Jesu Cristo. Egtawal-tawal sikandin aw ontò egpemoyò diyà te Timanem te melobos se pegpemenal niyo. Ibeg din ontò kaw metaga-taga te kedita te ibeg te Timanem diyà kenyo.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

1 Juan 5:3

so metaga-taga kidon te dakel se pedowan tadon te Timanem pineokit te pegtolò tadon te menge punù din. Kenà melima se pegtolò tadon te punù din,

Judas 1:1

Se solat seini lekat kanak si Judas, kedowa i Santiago, aw sineligan i Jesu Cristo. Seini se solat ko te kedita niyo tinawal te Timanem. Egkedekelan kaw te Timanem Amay tadon te pedowan, aw eg-ipaten kaw i Jesu Cristo.

Impekità 14:4

Wedà dan layok te kenà kandan esawa, so wedà dan pengognan. Egtaking dan te Karniro pengkey kenan pesalo. Impelowà din dan lekat te salà kidoen te keneyonan, aw neinang dan iling te pongo monà geniyen ibegay diyà te Timanem aw diyà te Karniro.