Juan 12:25 - Manobo Sarangani

²⁵ Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey eked keleyati se omol din dini te keneyonan, begayan sikandin te kaling pedowan wedad temanan.

Juan 12:25 ပူးပေါင်းရင်းမြစ်များ

Mat. 10:39

Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey imetayan sikandin tandà te pegtaking din kanak, begayan sikandin te kaling pedowan wedad temanan.”

Luc. 17:33

Pengkey ibeg te otaw megkelayat se omol din, meneng kunù din gayed matay. Meneng aw mepakay diyà te otaw pengkey imetayan sikandin, begayan sikandin te kaling pedowan wedad temanan.

Mar. 8:35

Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey imetayan sikandin tandà te pegtaking din kanak aw pegtoladà din te Mèpiya Indan tepad kanak, begayan sikandin te kaling pedowan wedad temanan.

Mat. 16:25

Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey imetayan sikandin tandà te pegtaking din kanak, begayan sikandin te kaling pedowan wedad temanan.

Luc. 14:26

“Aw meibeg se otaw tomaking kanak, eked ko sikandin inangi tinoledaan ko singed aw sebad ko se tekingan din. Eked kepakay aw tekingan din heman se amay din, aw inay din, aw esawa din, aw batà din, aw menge kedowa din, aw pengkey ibeg te pedowan din.

Impekità 12:11

Meneng dinaeg dan sikandin pineokit te dipanog te Karniro inimetayan doton te kros, aw pineokit te peg-indan te kebenalan tepad ki Cristo, so wedà dan kelemitan pengkey imetayan dan tandà te pegsalig dan diyà ki Cristo.

Mat. 19:29

Aw timanan se otaw te kedònan din, aw kedowa din, aw amay din, aw inay din, aw batà din, aw pawà din, amon megpesakop diyà kanak, kominawà sikandin te ontong ginatos pa meelagà diyà te tinenanan din, aw begayan heman sikandin te kaling pedowan wedad temanan.

Ininang 20:24

Meneng aneng-aneng ko, wedad beloyan aw imetayan a, so ibeg ko ipengahen ko olò se eg-inangen ko. Meluba a aw mebatog ko tomanen se insogò i Jesus kanak, so insogò a din megtoladà te Mèpiya Indan tepad te tabang te Timanem kenitadon.

Ininang 21:13

Meneng minikagi si Pablo, “Ikà niyo egkelag. Ikà niyo egpemegay te lidò diyà te pedowan ko, so wedad beloyan aw iketan a doton te Jerusalem. Wedad heman beloyan aw imetayan a tandà te pegsalig ko diyà te Pengolo tadon si Jesus.”

Menge Hebreo 11:35

Doen heman menge bayi simalig diyà te Timanem aw yan neantay se batà dan pengkey nematay den. Doen heman menge doma otaw simalig diyà te Timanem dinakep te otaw mebolot. Pengkey impeeleg dan lamig nematay dan, meneng wedà dan lengà te pegsalig dan diyà te Timanem, so ibeg dan entayen dan te Timanem lekat te nematay amon meg-ogpà dan doma din te wedad temanan.