Juan 12:13 - Manobo Sarangani

¹³ Simongon dan kandin, aw inibing dan se menge pelapà te palmera sinagpì dan, so yan se ketanem dan te pegsongon dan te selotan. Migpegais dan, “Iduyun se Timanem. Iduyun heman se insogò din dimateng den. Iduyun sikandin Selotan te kedita tadon bowad-bowad i Israel.”

Juan 12:13 ပူးပေါင်းရင်းမြစ်များ

Impekità 15:3

Migdelangan dan te delangan i Moises timolò te Timanem gebii, aw delangan te Karniro, kagi dan, “E Timanem, Pengolo day, Eglowan ka diyà te kedita te otaw. Ontò mèpiya se kedita te inang nikaw. Sikona se selotan diyà te kedita te lonsod. Metòlid aw neketotok se kedita te eg-inangen nikaw.

Impekità 7:9

Penga niyan, kinità ko se ontò medita otaw lekat te kedita te ogpeanan. Eked dan kebilang, so ontò dan medita. Timindeg dan kidoen te monà te onsedanan te peglowan, kidoen te monà te Karniro. Nenaol dan te mepotì aw nengibing dan te pelapà te palmera.

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Mat. 23:39

Penenalan kaw kanak. Aw mesayo a, eked kaw kità kanak singed aw mikagi kaw, ‘Iduyun se insogò te Pengolo tadon Timanem.’”

Juan 19:15

Meneng migbelobansag dan, “Imetayi sikandin. Imetayi. Lensangi diyà te kros.” Minikagi si Pilato, “Meibeg kaw lay te ipelansang ko se selotan niyo diyà te kros?” Timaba se menge pengolo te simbahan, “Sebad olò se selotan day, aw yan si Cesar.”

Impekità 19:16

Doen gulal din insolat kidoen te saol din aw bobon din, “Selotan eglowan diyà te kedita te selotan,” aw “Pengolo te kedita te pengolo.”

Juan 12:15

“Na, kedita niyo tege Sion, ikà niyo egkelemitan. Domateng se selotan niyo somakay te nati te asno.”

Mat. 27:42

“Migtabang sikandin te menge doma otaw netigdaan amon eked dan pa kematay. Meneng eked den sikandin peketabang te kandin pegkeotawun amon eked kematay. Minikagi sikandin te sikandin se Selotan te menge bowad-bowad i Israel. Eked kidon pemenal te kagi din singed aw tomenà sikandin lekat te kros.

Juan 12:14

Impeangay i Jesus se nati te kodà egtewalen asno, aw yan se sinekayan din. Pineokit kenyan, tinoman din se pakang tapay insolat kidoen te kagi te Timanem,