Juan 12:1 - Manobo Sarangani

¹ Enem pa se aldaw te wedà pa dateng se aldaw te Pista te Pegpelowà, dimoton si Jesus te Bitanya. Yan se lonsod eg-ogpaan i Lazaro, sìyan otaw inantay i Jesus lekat te nematay.

Juan 12:1 ပူးပေါင်းရင်းမြစ်များ

Mat. 21:17

Penga niyan, nesayo si Jesus lekat kidoen aw dimoton te lonsod te Bitanya aw minidegà kidoen.

Mar. 11:11

Pegdateng i Jesus doton te Jerusalem, dimoton sikandin te dakel simbahan kidoen. Pegtengteng din diyà te kedita, limikò sikandin doton te Bitanya sipat sìyan sempolò teg dowa tinoledaan din, so ontò den meapon.

Luc. 24:50

Penga niyan, timaking dan ki Jesus, aw nesayo dan lekat te Jerusalem, aw dimoton dan dapag te Bitanya. Pegdateng dan doton, timakyaw si Jesus te belad din, aw migtawal-tawal sikandin te tebangan dan te Timanem.

Luc. 7:37

Nayan, doen bayi eg-ogpà kidoen te lonsod sìyan, aw nedengeg sikandin mig-inang te salà. Pegketaga-taga din te kimaen si Jesus kidoen te balay te Parisiyo, dimoton sikandin. Inibing din se lana metinadeg insawol kidoen te deitek botilya.

Juan 11:1

Penga niyan, doen otaw nesekitan si Lazaro tege Bitanya. Doen dowa etebay din si Maria aw si Marta. Tege Bitanya dan heman.

Juan 11:43

Penga te pegtawal-tawal i Jesus, timawal sikandin te dakel se kagi din, “Lazaro, lowà ka den kidoen.”

Juan 11:44

Limowà si Lazaro neantay den lekat te nematay. Ginakes pa se kedakel te lawa din te sapot pengkey diyà te benis din aw bebenayun. Doen kelobaw imbagkes diyà te bawa din. Minikagi si Jesus, “Lebadi niyo sikandin amon mekeipanaw.”

Juan 11:55

Penga niyan, agpet den domateng se aldaw te pista te menge Judiyo, sìyan Pista te Pegpelowà. Te wedà pa dateng se aldaw te pista, medita se otaw dimoton te Jerusalem lekat te menge doma lonsod amon toloen dan se ketanem te menge Judiyo tepad te pegpelinis.

Juan 12:12

Keeldawan niyan, dimineg se medita otaw timanod te pista te agpet den domateng si Jesus kidoen te Jerusalem.

Juan 12:20

Doen heman menge otaw Griego timaking te menge Judiyo dimoton te Jerusalem amon megsimba dan kidoen dalem te pista.

Juan 12:9

Medita se Judiyo dimineg te kidoen si Jesus te Bitanya, aw dimoton dan. Pengkey nengemahà dan ki Jesus, meibeg dan heman komità ki Lazaro inantay din lekat te nematay.