Juan 11:55 - Manobo Sarangani

⁵⁵ Penga niyan, agpet den domateng se aldaw te pista te menge Judiyo, sìyan Pista te Pegpelowà. Te wedà pa dateng se aldaw te pista, medita se otaw dimoton te Jerusalem lekat te menge doma lonsod amon toloen dan se ketanem te menge Judiyo tepad te pegpelinis.

Juan 11:55 ပူးပေါင်းရင်းမြစ်များ

Genesis 35:2

Yan minikagi si Jacob diyà te pamilya din aw diyà te menge sakop din, “Pegbàti niyo den se kedita te inotaw niyo, sìyan egsimbahen te menge doma otaw wedà ketaga-taga te Timanem. Pemedigos kaw den aw peg-ekas kaw amon ipetaga-taga niyo te Timanem olò se toloen niyo.

Mat. 26:1

Penga te pegtoladà i Jesus te kedita niyan, minikagi sikandin diyà te menge tinoledaan din,

Mat. 26:2

“Netegahan niyo den besi te dowa mendad se aldaw te pegdateng te Pista te Pegpelowà, aw metoman a ibegay diyà te belad te otaw meglansang kanak Timanem Migpekeotaw diyà te kros.”

Mar. 14:1

Nayan, dowa mendad se aldaw te pegdateng te Pista te Pegpelowà. Yan se pegpengaen dan te pan kenà eglebag. Gayed mig-aneng-aneng se menge pengolo te simbahan aw menenoladà te punù aw eden se inangen dan amon dekepen dan si Jesus te wedad pa doma otaw metaga-taga amon imetayan dan.

Luc. 22:1

Nayan, agpet den se pista te menge Judiyo iningedanan dan Pista te Pegpelowà. Yan se pegpengaen dan te pan kenà eglebag.

Juan 12:1

Enem pa se aldaw te wedà pa dateng se aldaw te Pista te Pegpelowà, dimoton si Jesus te Bitanya. Yan se lonsod eg-ogpaan i Lazaro, sìyan otaw inantay i Jesus lekat te nematay.

Juan 13:1

Te wedà pa dateng se aldaw te Pista te Pegpelowà, tapay netegahan i Jesus te agpet den se pegkesayo din lekat te keneyonan amon molì doton te Amay din. Gayed dakel se pedowan din diyà te menge tinoledaan din dini te keneyonan, aw nedekelan din dan te pedowan lamig te pegkematay din.

Juan 18:28

Penga niyan, inibing dan si Jesus lekat te balay i Caifas pesalo doton te balay inogpaan te gobirnador insawol te gobirno te Roma. Ontò dan limapos se pegpesalo dan doton. Wedà awop se menge obanen te Judiyo diyà te balay te gobirnador amon eked dan pekelàpang te punù ingkeliwat i Moises kandan tepad te pegpelinis, so simpana mawop dan diyà te balay te otaw kenà Judiyo, eked kepakay aw makop dan komaen te Pista te Pegpelowà.

Juan 2:13

Agpet den domateng se aldaw te Pista te Pegpelowà, aw yan dimoton si Jesus te Jerusalem.

Juan 2:6

Kidoen se enem dedakel sibolan egsolan te wayeg ipeglinis dan, so yan se ketanem te menge Judiyo. Menge lima lata se awop te teg sebad-sebad kenyan.

Juan 5:1

Penga niyan, doen pista ininang te menge Judiyo, aw yan dimoton si Jesus te Jerusalem amon tomanod.

Juan 6:4

Neinang ini te agpet domateng se pista te menge Judiyo iningedanan Pista te Pegpelowà.

Ininang 21:24

Akop ka kandan aw pegpakang ka heman. Aw metagkas se impakang dan diyà te Timanem, pegbayad ka te kepulukan dan amon bolowen dan. Aw inangen no iyan, metaga-taga se kedita te otaw te kenà benal se dinineg dan, so egtolò ka pa se kamno te punù ingkeliwat i Moises.

Ininang 21:26

Keeldawan niyan, minakop si Pablo diyà te epat otaw sìyan aw migpakang heman. Dimoton dan te dakel simbahan te Jerusalem, aw in-indan dan diyà te egpengibing te simbahan se aldaw aw metagkas se pakang dan, so yan se aldaw te peg-imatay dan te ayam-ayam amon ibegay diyà te Timanem.

Ininang 24:18

Dalem niyan, kidoen a te dakel simbahan so tinoman ko se pakang ko diyà te Timanem. Wedad palos otaw pigtipon ko. Wedà a pegsamok te doma otaw. Meneng doen menge Judiyo lekat te Asya kimità kanak.

1 Korinto 11:28

Yan keilangan ontò tadon ehaen se kenitadon pedowan te eked kidon pa kaen te pan aw inem.

Santiago 4:8

Aw megpedapag kaw diyà te Timanem, megpedapag heman sikandin diyà kenyo. Sikiyo eg-inang te salà, lengà kaw den. Sikiyo otaw egdowa-dowa te kenyo pegpenimanem, ontò niyo den lobosi se pedowan niyo.