Juan 11:54 - Manobo Sarangani

⁵⁴ Yan se doun te limengà si Jesus te peglegeb din kidoen te menge lonsod te Judiyo. Meneng nesayo sikandin aw dimoton te lonsod iningedanan Ipraim, medapag te kebigtilan. Mig-ogpà sikandin kidoen aw menge tinoledaan din.

Juan 11:54 ပူးပေါင်းရင်းမြစ်များ

Juan 7:1

Penga niyan, miglegeb si Jesus kidoen te probinsya te Galiliya. Wedà sikandin doton te probinsya te Judiya, so doen menge obanen te Judiyo meibeg mengimatay kandin.

Juan 7:4

Aw meibeg se otaw te medengeg se ngadan din, eked din elesi se inangen din. Yan aw doen kepelahan inangen no, mèpiya aw ipekità no iyan diyà te kedita te otaw dini te keneyonan.”

Juan 18:20

Timaba si Jesus, “Netegahan te kedita te otaw se inikagi ko, so gayed a egtoladà kidoen te menge simbahan te Judiyo aw kidoen heman te dakel simbahan dini te Jerusalem egtiponan te kedita te Judiyo. Wedà ko elesi se intoladà ko.

Juan 10:40

Nesayo si Jesus lekat te Jerusalem, aw minatas te wayeg iningedanan Jordan, aw dimoton te ogpeanan egbonyagan i Juan Memonyagay kedengan. Mig-ogpà si Jesus kidoen.

Juan 7:13

Meneng in-eles dan se peg-ikagi dan kenyan, so nelemitan dan te menge obanen te Judiyo neopal kandin.

Juan 7:10

Penga te pegdoton te menge kedowa i Jesus te pista kidoen te Jerusalem, dimoton heman sikandin te eles-eles, so ibeg din wedad otaw metaga-taga te pegdoton din.