Juan 11:48 - Manobo Sarangani

⁴⁸ Aw eked kidon pegsagda kandin, kedita te Judiyo memenal eleg kandin. Aw domineg se gobirno kidoen te Roma te doen sebad otaw megpeinang selotan amon lomowan dini, medaet iyan, so isogò dan dini se menge sondalo amon pegbàtan dan se ogpeanan tadon, aw imetayan dan heman se kedita tadon Judiyo.”

Juan 11:48 ပူးပေါင်းရင်းမြစ်များ

Ininang 5:28

“Kedengan, migpunù kay kenyo te eked kaw palos pegtoladà tepad te otaw egtekingan niyo. Meneng wedà kaw tolò, so songkani, netaga-taga se kedita te otaw dini te Jerusalem te intoladà niyo. Eg-ikagi kaw heman te sikami se otaw migpeimatay te egtekingan niyo.”

Luc. 11:52

“Mekelelayò kaw menge menenoladà te punù ingkeliwat i Moises. Iling kaw te otaw mig-eles te konsì te balay amon wedad mekeawop, so wedà kaw keibeg aw doen otaw mekelabet te kagi te Timanem insolat. Wedà kaw pemenal te kagi din, aw egbelebagan niyo heman se menge otaw egkeibeg memenal kenyan.”

Luc. 8:12

Na, se benì nesabog diyà te dalan, yan se iling te menge otaw domineg te kagi te Timanem intoladà. Penga niyan, doen inangen i Satanas amon kelibelan dan se kagi te Timanem dinineg dan, so ibeg i Satanas, eked dan pemenal aw eked dan heman pekelowà lekat te salà.

Mat. 27:25

Minikagi se kedita te otaw, “Mepakay diyà kenami aw ipelumun kay aw menge bowad-bowad day tepad te peg-imatay kandin, so salà day iyan.”

Mat. 22:7

Neopal se selotan, aw insogò din se menge sondalo mengimatay kandan aw menonog heman te lonsod dan.

Juan 1:7

meg-indan diyà te kedita te otaw te si Jesus se lowa te Timanem, amon memenal se kedita te otaw diyà ki Jesus pineokit te itoladà din.

Mat. 22:9

Nayan, doton kaw den te menge dalan eg-okitan te medita otaw, aw petenodi niyo se kedita te otaw ketelaan niyo.’

Mat. 24:15

“Na, minikagi se telekeliwat te kagi te Timanem gebii si Daniel te doen domateng meg-inang te medaet doton te dakel simbahan te Jerusalem aw ontò mekelamit te otaw. (Keilangan kelebetan iyan te kedita te otaw megbasa te kagi din sìyan insolat.) Aw kitaen niyo iyan doton te dakel simbahan,