Juan 11:41 - Manobo Sarangani

⁴¹ Penga niyan, inabat dan se bato insampeng te lebeng. Limengag si Jesus aw migtawal-tawal, “Amà, egpesiontong a te dinineg no den se pinemoyò ko kamno.

Juan 11:41 ပူးပေါင်းရင်းမြစ်များ

Mat. 11:25

Penga niyan, migtawal-tawal si Jesus, kagi din, “Amà, Pengolo te kedita doton te langit aw dini heman te lanto te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel ontò netegahan, meneng impetaga-taga no den iyan diyà te otaw medanà.

Juan 17:1

Pegkepenga te peg-ikagi i Jesus diyà te menge tinoledaan din, limengag sikandin doton te langit aw migtawal-tawal, kagi din, “Amà, dimateng den se oras pinemallì nikaw. Pekitai te melangkaw se Batà nikaw, amon ipekità ko heman te melangkaw ka.

Luc. 10:21

Nayan, dakel se luba imbegay te Espiritu Santo ki Jesus, aw yan se doun te migtawal-tawal sikandin, kagi din, “Amà, Pengolo te kedita doton te langit aw dini heman te tanà, egpesiontong a diyà kamno, so wedà no petega-tegahi se kebenalan diyà te otaw biyasa aw dakel netegahan, meneng impetaga-taga no den iyan diyà te otaw medanà. Iduyun ta Amà, so lekat iyan te ibeg nikaw ontò mèpiya.”

Filipos 4:6

Pengkey eden se domateng kenyo, ikà niyo palos egketetana. Meneng pegtawal-tawal kaw tepad te kedita diyà te Timanem. Pemoyoi niyo diyà kandin se kedita te kelidoan niyo. Pegpesiontong kaw heman kenyan diyà kandin.

Luc. 18:13

Meneng pegtawal-tawal te iskribinti, migpekediyò sikandin diyà te menge doma otaw so neyàyà. Wedà heman lengag doton te langit, meneng timikelong sikandin aw dinapì din se kagpa din tandà te pegselsel din, aw minikagi, ‘Timanem, keidowi a bag, so nelegeb a te salà.’

Mat. 11:26

Iduyun ta Amà, so lekat iyan te ibeg nikaw ontò mèpiya.”

Mat. 27:60

Doen lebeng kaling impeawang i Jose diyà te pangpang, aw yan se linebengan din te lawa i Jesus. Penga niyan, kinelid din se dakel bato amon isampeng te lebeng. Penga niyan, nesayo sikandin.

Mar. 15:46

Penga niyan, bineyadan din se sapot, aw inabat din se lawa lekat te kros, aw ginakes din iyan te sapot, aw inlebeng din kidoen te lebeng impeawang diyà te pangpang. Penga niyan, kinelid din se dakel bato amon isampeng te lebeng.

Luc. 24:2

Pegdateng dan doton, kinità dan se lebeng neowang, so tapay den nekelid se dakel bato insampeng.

Juan 11:22

Pengkey nematay den, meneng netegahan ko te pengkey eden se pemoyoen no diyà te Timanem, yan se ibegay din kamno.”

Juan 20:1

Nayan, te wedà pa libtak se aldaw te iselem te Linggo, ontò limapos si Maria tege Magdala dimoton te lebeng i Jesus. Kinità din se lebeng din neowang so tapay den nekelid se dakel bato insampeng.

Ininang 7:55

Meneng gayed egbeyà-beyaan te Espiritu Santo si Esteban. Peglengag din doton te langit, kinità din se kelangkaw te Timanem aw si Jesus timangkil kandin.