Juan 11:38 - Manobo Sarangani

³⁸ Pegdateng i Jesus doton te lebeng, todà neantag se pedowan din. Ilib se linebengan ki Lazaro, aw doen dakel bato insampeng diyà te awang niyan.

Juan 11:38 ပူးပေါင်းရင်းမြစ်များ

Juan 11:33

Sagwa kimità si Jesus te migkelag si Maria aw kedita te Judiyo timaking kandin, neantag se pedowan din aw ontò nelidò.

Mat. 27:60

Doen lebeng kaling impeawang i Jose diyà te pangpang, aw yan se linebengan din te lawa i Jesus. Penga niyan, kinelid din se dakel bato amon isampeng te lebeng. Penga niyan, nesayo sikandin.

Juan 20:1

Nayan, te wedà pa libtak se aldaw te iselem te Linggo, ontò limapos si Maria tege Magdala dimoton te lebeng i Jesus. Kinità din se lebeng din neowang so tapay den nekelid se dakel bato insampeng.

Luc. 24:2

Pegdateng dan doton, kinità dan se lebeng neowang, so tapay den nekelid se dakel bato insampeng.

Genesis 23:19

Penga niyan, inlebeng i Abraham se lawa te esawa din si Sara doton te ilib kidoen te Canaan.

Mar. 15:46

Penga niyan, bineyadan din se sapot, aw inabat din se lawa lekat te kros, aw ginakes din iyan te sapot, aw inlebeng din kidoen te lebeng impeawang diyà te pangpang. Penga niyan, kinelid din se dakel bato amon isampeng te lebeng.

Mar. 8:12

Ontò migpedo-pedo si Jesus tandà te puluk din, aw minikagi sikandin, “Wedad kekemowan te pegpekità ko kenyo te pengilala. Eneng-enengi niyo se kagi ko seini. Wedad palos pengilala ipekità te Timanem diyà kenyo.”

Mat. 27:66

Penga niyan, dimoton dan te lebeng aw impeket dan se pengilala diyà te dakel bato insampeng kenyan amon wedad otaw meg-owang kenyan. Penga niyan, tinonggoan iyan te menge sondalo.