Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Juan 11:25 - Manobo Sarangani

25 Minikagi si Jesus, “Siaken se meg-antay te otaw lekat te nematay. Siak se egpemegay te kaling pedowan. Pengkey matay se otaw nemenal kanak, meneng meantay sikandin.

အခန်းကိုကြည့်ပါ။ ကော်ပီ




Juan 11:25
41 ပူးပေါင်းရင်းမြစ်များ  

Minikagi si Jesus, “Eneng-enengi se kagi ko kamno. Kwani seini, megdoma ka kanak doton te langit.”


Sikandin se eglekatan te pedowan te kedita, aw yan se lowa eg-anyag diyà te kengitngit kidoen te pedowan te kedita te otaw.


Te eked kenamay, eked a den todà kitai te menge doma otaw. Meneng sikiyo, todà kaw komità kanak. So doen pedowan ko wedad temanan, begayan kaw heman te pedowan wedad temanan.


Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.


Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.


Se otaw memenal diyà te Batà te Timanem, yan se otaw doen kaling pedowan wedad temanan. Meneng se otaw eked tolò te kagi te Batà te Timanem, yan se otaw eked begayi te kaling pedowan, meneng detengan dan te pelumun te Timanem te wedad temanan.


Eg-antay se Amay ko te otaw nematay, aw egpemegay kandan te kaling pedowan. Iling heman kenyan se inangen ko, so memegay a heman te kaling pedowan diyà te kedita te otaw pemellien ko.


So Amay ko Timanem se eglekatan te kaling pedowan wedad temanan, ininang a din heman eglekatan te kaling pedowan wedad temanan.


Minikagi si Jesus, “Siaken se kànen mekebegay te kaling pedowan wedad temanan. Se otaw tomaking aw memenal kanak, yan se otaw eked palos bellosi aw eked heman palos kelao.


Wedad otaw meketaking kanak singed aw onà entagen se pedowan din te Amay ko simogò kanak. Se otaw tomaking kanak, yan se entayen ko te temanan aldaw.


Inimetayan niyo se egpemegay te kaling pedowan lekat te Timanem, meneng inantay sikandin te Timanem lekat te nematay. Benal iyan, so kinità day sikandin neantay.


Doen kagi te Timanem ki Abraham insolat, “Inangen ko sikona kemonaan te medita pongan.” Yan ininang te Timanem si Abraham olo te kedita tadon egpemenal te Timanem iling te pegpemenal i Abraham kandin. Timanem se mekeantay te otaw lekat te nematay, aw mekebatog sikandin meg-inang te wedà pa palos inangi pineokit te kagi din.


So pegsebad ko diyà ki Jesu Cristo, doen kaling pedowan imbegay te Espiritu Santo kanak, aw yan se doun te wedad den keilangan meg-inang a te salà, aw eked a den heman detengi te pelumun.


Aw iling kenyan, dinetengan den te pelumun te Timanem se otaw nematay, pengkey simalig dan diyà ki Cristo kedengan.


Simpana wedad keentayan lekat te nematay, wedad besi ontong aw bonyagan se otaw egpeliman te todà din kitaen se otaw nematay, so simpana wedad palos entayen lekat te nematay, wedad pelimanan te otaw megpebonyag.


Netegahan ko den te Timanem se mig-antay ki Jesus lekat te nematay, aw yan entayen a din heman, so doen pegsebad te pedowan ko diyà ki Jesus. Ibingen te Timanem se kedita tadon egpemenal doton te dapag din.


Ontò egdowa-dowa se aneng-aneng ko tepad kenyan. Doen ibeg te pedowan ko domoton a te langit, so labi pa mèpiya aw meg-ogpà a doton doma ki Cristo.


Ibeg ko den ontò a metaga-taga kandin. Ibeg ko heman tebangan a din pineokit te tolos eggemiten din lekat te pegkeantay din lekat te nematay. Ibeg ko heman mekeiling a kandin pengkey detengan a te kelimahan iling te kelimahan dimateng kandin, aw pengkey imetayan a iling te pegkematay din,


Egpemenal kidon te nematay si Jesus, aw neantay heman sikandin lekat te nematay, aw yan egpemenal kidon te entayen heman te Timanem se kedita te otaw tapay nemenal ki Jesus te wedà dan pa kematay amon megdoma dan kandin.


Siak se doen pedowan wedad temanan. Inimetayan a, aw eked a den todà palos kematay. Siaken olò se mekebatog meg-antay te otaw lekat te nematay. Aw matay se otaw, siak olò se mekesogò aw kenan dan peogpai.


Yan se tagnà peg-antay te Timanem te otaw lekat te nematay, so wedà entayi se menge doma otaw lekat te nematay singed aw mepenga se sebad melalan se omay.


Gelisen din se lohà kidoen te mata dan amon ontò dan meluba. Wedad den palos matay. Wedad den melano. Wedad heman megkelag. Wedad heman mesakit, so migkewedad den se monà keneyonan.”


Penga niyan, impekità din kanak se wayeg iningedanan Wayeg Mekebegay te Kaling Pedowan. Ontò iyan metìngaw iling te ispiho, aw egtebol kidoen te onsedanan te Timanem aw Karniro.


Egtawal se Espiritu Santo aw esawa te Karniro, kagi dan, “Ayas kaw diyà.” Aw kedita te otaw menenalan, keilangan tomawal dan heman diyà te doma otaw, “Ayas kaw heman diyà.” Pengkey sinu se otaw nelao meibeg minem, doen wayeg ibowang kandin mekebegay te kaling pedowan.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ