Juan 11:18 - Manobo Sarangani

¹⁸ Medapag se lonsod te Bitanya kidoen te Jerusalem, menge telo kilomitro se kediyò niyan.

Juan 11:18 ပူးပေါင်းရင်းမြစ်များ

Impekità 14:20

Penga niyan, ginìtan se pongo te paras kidoen te tigmesanan doton te lowà te lonsod, aw dimelog se dipanog niyan lekat te tigmesanan taman te menge telo gatos kilomitro. Sebad mitro aw tengà se kedalem te dipanog sìyan.

Impekità 21:16

Se lonsod sìyan, onawa se kelayat niyan aw kebelad niyan. Pegsokod din te lonsod, dowa melalan epat gatos kilomitro se kelayat niyan. Onawa heman se sokod din te kebelad aw kelangkaw niyan.

Juan 11:1

Penga niyan, doen otaw nesekitan si Lazaro tege Bitanya. Doen dowa etebay din si Maria aw si Marta. Tege Bitanya dan heman.

Juan 6:19

Pegbugsay dan te menge lima kilomitro, kinità dan si Jesus migpesalo kandan, aw minipanaw sikandin diyà te lanto te lanaw. Ontò dan nelemitan.

Luc. 24:13

Te aldaw sìyan, doen didowa tinoledaan i Jesus minipanaw pesalo doton te Imaos, sebad lonsod menge sempolò tegusà kilomitro lekat te Jerusalem.

Mat. 21:17

Penga niyan, nesayo si Jesus lekat kidoen aw dimoton te lonsod te Bitanya aw minidegà kidoen.