Juan 10:4 - Manobo Sarangani

⁴ Aw ibingen din se kedita te kandin karniro doton te lowà, mipanaw sikandin diyà te monà dan, aw tomaking dan kandin, so nenadam dan te kagi din.

Juan 10:4 ပူးပေါင်းရင်းမြစ်များ

Juan 10:16

Doen pa menge doma wedà pa pegpesakop diyà kanak. Keilangan sekopen ko dan heman, aw menenalan dan heman kanak. Yan inangen ko dan sebad olò pongan, aw siak se mengibing kandan.

Juan 12:26

Aw meibeg se otaw meinang sogounun ko, keilangan tomaking kanak, so pengkey kenan a pesalo, doton heman se sogounun ko. Iduyun te Amay ko se sogounun ko.”

Juan 18:37

Minikagi si Pilato, “Ontò ka kedì selotan.” Minikagi si Jesus, “Ee. Benal se inikagi no te selotan a, so yan se doun te migpekeotaw a. Insogò a dini te keneyonan amon meg-indan a te kebenalan. Egpenenelanen a te kedita te otaw migpesakop diyà te kebenalan.”

1 Pedro 2:21

Ibeg te Timanem tomayod kaw te kelimahan. Nelimahan heman si Cristo aw timayod sikandin kenyan amon ketebangan kaw din. Sikandin se gegonan niyo amon meketayod kaw heman te kelimahan.

1 Pedro 5:3

Ikà niyo egleges te menge otaw egtoledaan niyo, so insalig dan te Timanem diyà kenyo. Keilangan metòlid se eg-inangen niyo, so sikiyo se peg-ilingan dan.

1 Korinto 11:1

Taking kaw kanak, so si Cristo se egtekingan ko.

Juan 10:8

Se menge doma otaw nekeonà kanak, yan se iling te menenakaw aw megdedempasay, meneng wedà dan penenelani te karniro.

Mat. 16:24

Penga niyan, minikagi si Jesus diyà te menge tinoledaan din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

Efeso 5:1

Yan, so ininang kaw te Timanem menge batà din egkedekelan din te pedowan, keilangan meg-iling kaw kandin.

Juan 3:29

Se meama peipiden, yan se tekingan te bayi. Meneng se sigalak te meama peipiden, yan se megtagad kandin aw menenalan heman kandin, aw meluba se pedowan din te pegdineg din te kagi te sigalak din peipiden. Iling a heman kenyan, so nesikop den se keluba te pedowan ko te pegdineg ko te medita se otaw egtaking ki Jesus.

Juan 13:15

Yan se ininang ko amon meg-iling kaw kanak.

1 Pedro 4:1

Timayod si Cristo te kelimahan te pegdini din te lanto te tanà. Yan aw detengan kaw te kelimahan, keilangan meg-aneng-aneng kaw tepad te pegtayod din te kelimahan. Aw meketayod se otaw te kelimahan, yan se pengilala te kimulu den sikandin meg-inang te salà,

Juan 10:3

Aw mawop se pengolo diyà te kelokob, meg-owang kandin se otaw egtonggò te tetakep te kelokob. Se menge karniro din doton didalem, yan se nenadam te kagi din. Tewalen din se menge ngadan dan, aw tomaking dan heman kandin pesalo doton te lowà.

Juan 10:5

Meneng eked dan taking te doma otaw. Komadas dan kandin, so wedà dan kenadam te kagi din.”

Juan 10:27

Egpenenalan se karniro ko te kagi ko, aw netegahan ko dan, aw egtaking dan heman kanak.