Juan 10:32 - Manobo Sarangani

³² Meneng minikagi si Jesus, “Medita se mèpiya ininang ko aw kinità niyo, so insogò a te Amay ko Timanem. Eden lay se ininang ko te imetayan a niyo?”

Juan 10:32 ပူးပေါင်းရင်းမြစ်များ

1 Juan 3:12

Keilangan eked kidon peg-iling ki Cain migpesakop diyà ki Satanas, so nengimatay te adi din. Nengimatay sikandin so medaet se eg-inangen din, aw miningà te adi din eg-inang te metòlid.

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Juan 10:37

Simpana kenà insogò te Timanem se kepelahan eg-inangen ko, ikà niyo egpemenal kanak.

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Juan 10:25

Timaba si Jesus, “Pengkey tapay ko iyan in-indan kenyo, meneng wedà a niyo pemenali. Eg-inangen ko se menge kepelahan so insogò a te Amay ko, aw yan se pengilala ipekità ko kenyo amon ketegahan niyo aw sinu a.

Juan 10:31

Pegdineg te menge obanen te Judiyo te inikagi din sìyan, todà dan nengimon te menge bato ibontog kandin amon imetayan dan sikandin.

Juan 10:33

Timaba se menge obanen te Judiyo, “Bontogan day sikona te bato kenà so mig-inang ka te kepelahan, meneng bontogan ka so migtompuyus ka te Timanem. Pengkey olò ka otaw, meneng minikagi ka den seini te Timanem ka.”