Juan 10:27 - Manobo Sarangani

²⁷ Egpenenalan se karniro ko te kagi ko, aw netegahan ko dan, aw egtaking dan heman kanak.

Juan 10:27 ပူးပေါင်းရင်းမြစ်များ

Juan 10:16

Doen pa menge doma wedà pa pegpesakop diyà kanak. Keilangan sekopen ko dan heman, aw menenalan dan heman kanak. Yan inangen ko dan sebad olò pongan, aw siak se mengibing kandan.

Juan 10:14

Iling a te mèpiya telediyaga te karniro. Netegahan a te Amay ko aw netegahan ko heman sikandin. Iling heman kenyan se kedita te sakop ko, so netegahan ko dan, aw netegahan a dan heman. Mepakay diyà kanak aw imetayan a amon megpelowà a te otaw megpesakop diyà kanak.

Impekità 3:20

Na, dini a den te kenyo lelebangan aw egtawal a diyà kenyo. Aw domineg kaw kanak aw meg-owang kaw kanak te tetakep, yan mawop a, aw komaen a doma kenyo, aw megpesigelakay kidon.

1 Korinto 8:3

Meneng se otaw dakel se pedowan din diyà te Timanem, yan se otaw ipetaga-taga te Timanem te batà din den.

Menge Hebreo 3:7

Yan se doun te keilangan toloen tadon se inikagi te Espiritu Santo, “Pengkey seini aldaw, aw domineg kaw te kagi te Timanem,

Juan 5:25

Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

Juan 8:12

Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

Galasya 4:9

Meneng songkani, so netegahan niyo den se benal Timanem, aw netegahan kaw din den heman, ikà niyo todà egtaking te ibeg te otaw aw ketanem nekeallang kenyo kedengan.

Juan 10:8

Se menge doma otaw nekeonà kanak, yan se iling te menenakaw aw megdedempasay, meneng wedà dan penenelani te karniro.

Juan 12:26

Aw meibeg se otaw meinang sogounun ko, keilangan tomaking kanak, so pengkey kenan a pesalo, doton heman se sogounun ko. Iduyun te Amay ko se sogounun ko.”

Juan 8:43

Wedà niyo kelebeti se inikagi ko, so eked kaw keibeg menenalan te kebenalan itoladà ko.

Luc. 9:23

Nayan, minikagi si Jesus diyà te kedita dan nenenalan kandin, kagi din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

2 Timoteo 2:19

Meneng eked ketodà se kebenalan impetoladà te Timanem, aw egketegahan iyan pineokit te kagi seini, “Netegahan te Pengolo se kedita te otaw egtaking kandin.” Doen heman doma kagi, “Keilangan eked pegpekesalà se kedita te otaw eg-ikagi te egtaking dan te Pengolo.”

Juan 21:22

Timaba si Jesus, “Simpana ibeg ko eked sikandin kematay lamig te aldaw te peglikò ko, wedad labut no kenyan. Meneng keilangan gayed ka tomaking kanak.”

Luc. 13:27

Meneng mikagi sikandin, ‘Wedà ko ketegahi aw kenan kaw lekat. Kesayo kaw, kedita niyo eg-inang te medaet.’

Mar. 8:34

Penga niyan, tinawal i Jesus se menge tinoledaan din sipat kedita te doma otaw netipon kidoen. Minikagi sikandin, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Mat. 25:12

Meneng minikagi sikandin, ‘Wedà ko sikiyo kilelai.’

Mat. 16:24

Penga niyan, minikagi si Jesus diyà te menge tinoledaan din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Mat. 7:23

Meneng mikagi a diyà kandan, ‘Wedà a palos ketaga-taga kenyo. Kesayo kaw, kedita niyo eg-inang te medaet.’”

Impekità 14:4

Wedà dan layok te kenà kandan esawa, so wedà dan pengognan. Egtaking dan te Karniro pengkey kenan pesalo. Impelowà din dan lekat te salà kidoen te keneyonan, aw neinang dan iling te pongo monà geniyen ibegay diyà te Timanem aw diyà te Karniro.

Mar. 10:21

Timengteng si Jesus diyà kandin, aw dakel se pedowan din kandin. Minikagi sikandin, “Sebad mendad se keilangan inangen nikaw. Olì ka den aw beligyai se kedakel te kedònan no, aw begayi se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegpemegay no te kedakel niyan, likò ka dini aw taking ka kanak.”