Juan 10:25 - Manobo Sarangani

²⁵ Timaba si Jesus, “Pengkey tapay ko iyan in-indan kenyo, meneng wedà a niyo pemenali. Eg-inangen ko se menge kepelahan so insogò a te Amay ko, aw yan se pengilala ipekità ko kenyo amon ketegahan niyo aw sinu a.

Juan 10:25 ပူးပေါင်းရင်းမြစ်များ

Juan 10:32

Meneng minikagi si Jesus, “Medita se mèpiya ininang ko aw kinità niyo, so insogò a te Amay ko Timanem. Eden lay se ininang ko te imetayan a niyo?”

Juan 10:37

Simpana kenà insogò te Timanem se kepelahan eg-inangen ko, ikà niyo egpemenal kanak.

Juan 10:38

Meneng aw yan se eg-inangen ko, pengkey eked kaw pemenal kanak, pemenal kaw te Timanem se eglekatan te kepelahan eg-inangen ko, amon ketegahan niyo pa te diyà kanak se Amay ko, aw diyà a te Amay ko.”

Juan 11:47

Pegdineg te menge pengolo te simbahan aw Parisiyo, migtipon dan te kedita te doma dan obanen te simbahan, aw minikagi dan, “Megmeno kidon? So medita se kepelahan eg-inangen te otaw sìyan.

Juan 12:37

Pengkey kimità dan te ontò medita kepelahan ininang din, meneng wedà dan pa pemenal kandin.

Juan 14:11

Pemenal ka te inikagi ko, te diyà a te Amay ko, aw diyà heman sikandin kanak. Aw eked ka pemenal kenyan pengkey siak se minikagi kenyan, pemenal ka kenyan tandà te menge kepelahan ininang ko.

Juan 20:30

Medita pa se kepelahan ininang i Jesus kinità te menge tinoledaan din, meneng wedà ko solati se kedita niyan diyà te libro seini.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 7:31

Meneng medita se doma otaw nemenal te sikandin se insogò te Timanem. Minikagi dan, “Aw domateng se Misiyas megpelowà kenitadon, wedad kepelahan inangen din labi pa mèpiya diyà te eg-inangen te otaw seini.”

Juan 8:12

Pegtoladà i Jesus te menge otaw netipon, minikagi, “Siaken se kelowahan eg-anyag diyà te kedita te otaw te keneyonan. Aw tomaking se otaw kanak, wedad kengitngit diyà te pedowan din, so doen keanyag diyà kandin mekebegay te kaling pedowan wedad temanan.”

Juan 8:24

Yan se doun te minikagi a te matay kaw te eked pegwedadi se salà niyo, so aw eked kaw pemenal te benal se inikagi ko tepad te pegkeotawun ko, eked pegwedadi se salà niyo.”

Juan 8:56

Se kemonaan niyo si Abraham, ontò sikandin neluba so metoman din kitaen se pegdateng ko. Kinità a din den aw ontò den sikandin neluba.”

Juan 8:58

Minikagi si Jesus, “Eneng-enengi niyo se kagi ko. Te wedà pa tebaw si Abraham, tapay a den doen.”

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Menge Hebreo 2:3

Yan heman se doun te labi kidon din ipelumun aw eked kidon penenalan te kagi din tepad te ontò mèpiya kelowaan lekat te salà. Pengolo tadon se tagnà migpetaga-taga te doen kelowaan lekat te salà, aw doen heman menge otaw dimineg kandin migpetaga-taga kenitadon te keseligan se kagi din sìyan.