Juan 10:24 - Manobo Sarangani

²⁴ Migpedapag se menge obanen te Judiyo kidoen kandin, aw minikagi dan, “Nenamay den wedà day ontò ketegahi aw eden se tod nikaw. Ikà den egbolon diyà kenami aw sinu ka. Indani kay aw sikona se Misiyas megpelowà kenami. Ibeg day ontò mebangal se kagi no kenami.”

Juan 10:24 ပူးပေါင်းရင်းမြစ်များ

Mat. 11:3

kagi dan, “Sikona lay se ontò insogò te Timanem pinelimanan day, aw doen pa doma domateng?”

Mar. 8:32

Ontò nebangal se intoladà din kandan. Penga niyan, migpedapag si Pedro diyà ki Jesus, aw minikagi diyà kandin te eked kepakay aw metoman iyan domateng diyà kandin.

Luc. 3:15

Nayan, pegdineg te menge otaw te intoladà i Juan, egdowa-dowa se aneng-aneng dan aw sikandin se Misiyas pinelimanan dan.

Juan 1:19

Doen menge pengolo te simbahan te Judiyo aw menge bowad-bowad i Levi dimoton ki Juan Memonyagay. Insogò dan te menge obanen te Judiyo lekat te Jerusalem amon meg-insà dan ki Juan aw sinu sikandin. Seini se inikagi i Juan, so wedà din boloni se kebenalan, meneng timaba sikandin, kagi din, “Kenà ko se Misiyas megpelowà kenyo.”

Juan 10:31

Pegdineg te menge obanen te Judiyo te inikagi din sìyan, todà dan nengimon te menge bato ibontog kandin amon imetayan dan sikandin.

Juan 10:33

Timaba se menge obanen te Judiyo, “Bontogan day sikona te bato kenà so mig-inang ka te kepelahan, meneng bontogan ka so migtompuyus ka te Timanem. Pengkey olò ka otaw, meneng minikagi ka den seini te Timanem ka.”

Juan 16:25

“Migtoladà a kenyo kani pineokit te menge tegdeyanan melima kelebetan. Meneng te eked kenamay, domateng se aldaw eked ko peokiti te tegdeyanan se itoladà ko kenyo, so bengalen ko se pegtoladà ko kenyo tepad te Amay ko.

Juan 8:25

Mig-insà dan, “Sinu ka lay?” Timaba si Jesus, “Yan se melikit ko in-indan kenyo lekat te ketebò te pegtoladà ko.

Juan 8:53

Kenà ka melangkaw diyà te kemonaan day si Abraham, so nematay sikandin aw kedita te telekeliwat te kagi te Timanem gebii. Sinu lay peden se pelingo-lingowan nikaw?”

Juan 9:22

Yan se inikagi te amay aw inay din, so nelemitan dan te menge obanen te Judiyo. Tapay migsebad se menge obanen te eked den dan peopi te simbahan se otaw mikagi te si Jesus se Misiyas.

2 Korinto 3:12

So netegahan ko te doen ketomanan te egpelimanan ko, yan se doun te egbengalen ko se pegtoladà ko. Kenà a iling ki Moises so wedad ipeg-eles ko. Penga te pegtoladà din, sinempengan din se bawa din amon eked kitai te menge doma din bowad-bowad i Israel se pegkewedad te keanyag diyà te bawa din.