Juan 10:18 - Manobo Sarangani

¹⁸ Wedad megleges kanak, meneng lekat te kanak ibeg, mepakay aw imetayan a. Mepakay aw matay a, aw mepakay heman aw meantay a, so yan se doun te insogò a te Amay ko.”

Juan 10:18 ပူးပေါင်းရင်းမြစ်များ

Menge Hebreo 2:9

Meneng netegahan tadon te timoman si Jesus limowan. Pegpekeotaw din, neinang sikandin medanà diyà te menge anghil te wedà kenamay, amon somelilin sikandin kenitadon aw matay doton te kros tandà te keido te Timanem kenitadon. Pineokit te pegkematay din, ininang sikandin te Timanem ontò melangkaw.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Juan 10:17

“Dakel se pedowan te Amay ko kanak, so mepakay diyà kanak aw imetayan a amon meantay a.

Juan 14:31

meneng gayed ko egtoloen se impunù te Amay ko kanak, amon ketegahan te kedita te otaw te dakel se pedowan ko diyà te Amay ko. Tindeg kaw den, so agpet kidon den mesayo lekat dini.”

Juan 6:38

Insogò a dini lekat te langit kenà amon inangen ko se kanak ibeg, meneng dimini a amon toloen ko se ibeg te Amay ko simogò kanak.

Juan 15:10

Aw tomolò kaw te impunù ko kenyo, yan ketegahan niyo te dakel se pedowan ko kenyo, iling te timolò a te impunù te Amay ko kanak, aw netegahan ko te dakel se pedowan din kanak.

Juan 10:11

“Iling a te mèpiya telediyaga te karniro. Se mèpiya telediyaga te karniro, yan se egpeketagad pengkey matay amon megpelowà te karniro lekat te kededàtan.

Ininang 3:15

Inimetayan niyo se egpemegay te kaling pedowan lekat te Timanem, meneng inantay sikandin te Timanem lekat te nematay. Benal iyan, so kinità day sikandin neantay.

Ininang 2:24

meneng inantay sikandin te Timanem lekat te nematay. Impelowà din si Jesus diyà te kemetayun, so eked daeg se kemetayun kandin.

Juan 5:30

“Wedà ko teboki se inang ko. Iling te intoladà din kanak se peg-okom ko, aw metòlid se peg-okom ko, so kenà kenaken ibeg se egtekingan ko, meneng egtekingan ko se ibeg te Amay ko migsogò kanak.

Ininang 2:32

Netoman den iyan, so inantay te Timanem si Jesus lekat te nematay, aw kinità te kedita day te neantay sikandin lekat te nematay.

Juan 19:11

Minikagi si Jesus, “Simpana wedà ka pelowani te Timanem, eked ka pekelowan diyà kanak seini. Yan se doun te labi pa mebegat se salà te otaw migpeibing kanak dini kamno.”

Juan 5:26

So Amay ko Timanem se eglekatan te kaling pedowan wedad temanan, ininang a din heman eglekatan te kaling pedowan wedad temanan.