Juan 10:16 - Manobo Sarangani

¹⁶ Doen pa menge doma wedà pa pegpesakop diyà kanak. Keilangan sekopen ko dan heman, aw menenalan dan heman kanak. Yan inangen ko dan sebad olò pongan, aw siak se mengibing kandan.

Juan 10:16 ပူးပေါင်းရင်းမြစ်များ

1 Pedro 2:25

Kedengan, iling kaw te menge ayam-ayam karniro egketading. Meneng songkani, timaking kaw den ki Cristo biyasa egpengibing aw eg-ipat kenyo.

Juan 11:52

Kenà olò menge Judiyo se ketebangan din, meneng sekopen te Timanem se kedita te otaw inangen din menge batà din, pengkey kenan dan peg-ogpà.

Juan 6:37

Se kedita te otaw insalig te Amay ko diyà kanak, yan se otaw tomaking kanak. Pengkey sinu se otaw tomaking kanak, eked ko palos sikandin pekedasi.

Juan 10:27

Egpenenalan se karniro ko te kagi ko, aw netegahan ko dan, aw egtaking dan heman kanak.

Juan 10:11

“Iling a te mèpiya telediyaga te karniro. Se mèpiya telediyaga te karniro, yan se egpeketagad pengkey matay amon megpelowà te karniro lekat te kededàtan.

Impekità 3:20

Na, dini a den te kenyo lelebangan aw egtawal a diyà kenyo. Aw domineg kaw kanak aw meg-owang kaw kanak te tetakep, yan mawop a, aw komaen a doma kenyo, aw megpesigelakay kidon.

1 Pedro 2:10

Kedengan, kenà kaw menge sakop te Timanem, meneng songkani sakop kaw din den. Kedengan, wedà kaw ketaga-taga te doen keido te Timanem, meneng songkani dinetengan kaw den te keido din.

2 Tesalonika 2:13

Menge kedowa day egkedekelan te Pengolo tadon te pedowan, mèpiya aw gayed kay megpesiontong diyà te Timanem tepad kenyo, so lekat te keteboan te keneyonan pinemallì kaw te Timanem amon ipelowà kaw lekat te salà, aw yan se ininang din kenyo pineokit te peglinis te Espiritu Santo kenyo, aw pineokit te pegpemenal niyo te kebenalan.

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

Ininang 22:14

Minikagi si Ananias, ‘Tapay ka pinemallì te Timanem egseligan te kemonaan ta, amon metaga-taga ka te ibeg din. Pinemallì ka din amon komità ka te batà din, aw amon domineg ka te kagi din, aw netoman den iyan.

Ininang 18:10

so egtebangan ta. Wedad otaw megpeeleg kamno, so medita pa se otaw memenal kanak dini te Korinto.”

Ininang 15:14

Mig-indan den si Simon te doen den heman menge otaw kenà Judiyo pinemallì te Timanem amon makop dan heman diyà kandin.

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Menge Hebreo 13:20

Inantay te Timanem se Pengolo tadon si Jesus lekat te nematay, so pineokit te pegkematay din, ininang din se kaling peokit amon mekepedapag kidon diyà kandin te wedad temanan. Iling sikandin te Telediyaga tadon, so iling kidon te menge karniro eg-ipaten din.

Juan 10:2

Meneng se otaw mokit te lelebangan niyan, yan se ontò telediyaga te karniro.

1 Pedro 5:4

Aw lomikò si Cristo Pengolo te kedita niyo egpengibing te simbahan, doen mèpiya ontong ibegay din diyà kenyo eked palos pegkedaet te wedad temanan.

Juan 10:3

Aw mawop se pengolo diyà te kelokob, meg-owang kandin se otaw egtonggò te tetakep te kelokob. Se menge karniro din doton didalem, yan se nenadam te kagi din. Tewalen din se menge ngadan dan, aw tomaking dan heman kandin pesalo doton te lowà.

Juan 10:4

Aw ibingen din se kedita te kandin karniro doton te lowà, mipanaw sikandin diyà te monà dan, aw tomaking dan kandin, so nenadam dan te kagi din.

Juan 10:5

Meneng eked dan taking te doma otaw. Komadas dan kandin, so wedà dan kenadam te kagi din.”

Juan 17:20

“Kenà olò sakop ta seini se intawal-tawal ko den diyà kamno, meneng kedita heman te doma otaw memenal kwani kanak pineokit te itoladà dan kandan.

Roma 11:25

Menge kedowa ko kenà Judiyo, doen kebenalan wedà pa petega-tegahi lamig songkani, meneng ipetaga-taga ko den iyan diyà kenyo amon eked kaw peg-aneng-aneng te sikiyo olò se otaw netaga-taga te kebenalan. Metugul se keditaan te Judiyo songkani. Eked dan taking te Timanem singed aw onà megpesakop se kedita te otaw kenà Judiyo pinemallì te Timanem.

Luc. 15:8

“Aw doen sempolò se kwarta te bayi plata meelagà, aw metalon se sebad, temteman din se solò, aw ponasan din heman se balay, aw ontò din pemehaen lamig kitaen din.