Juan 10:13 - Manobo Sarangani

¹³ Komadas se otaw tendanan so kenà din se tig-apò, aw wedad kedakel te pedowan din diyà te menge karniro egtonggoan din.

Juan 10:13 ပူးပေါင်းရင်းမြစ်များ

Filipos 2:20

Sikandin olò se doen aneng-aneng kenyo onawa te aneng-aneng ko kenyo, so gayed sikandin eg-aneng-aneng tepad te kèpiyaan te keogpà niyo.

Juan 12:6

Yan se inikagi din kenà so egkeidowan din se otaw sagkep, meneng menenakaw sikandin, so gayed din eg-ebaten se kwarta insalig diyà kandin, so sikandin se egtonggò te kwarta te kedita dan.

Ininang 18:17

Penga niyan, dinakep te menge otaw kenà Judiyo se sebad egpengibing te simbahan te Judiyo si Sostenes. Binadas dan sikandin doton te lowà te oseyanan. Meneng wedà pegsagman si Galio kenyan.

Juan 10:12

Meneng aw megtonggò se otaw tendanan, aw kitaen din se toyang te kebenesan iningedanan lobo, yan komadas sikandin aw tomanan te menge karniro. So kenà din se tig-apò kenyan, kenà din se ontò megtonggò kenyan. Yan bengaen te lobo se karniro aw mebilit se doma.

Juan 10:14

Iling a te mèpiya telediyaga te karniro. Netegahan a te Amay ko aw netegahan ko heman sikandin. Iling heman kenyan se kedita te sakop ko, so netegahan ko dan, aw netegahan a dan heman. Mepakay diyà kanak aw imetayan a amon megpelowà a te otaw megpesakop diyà kanak.

1 Korinto 7:32

Ibeg ko peden, wedad ketetana niyo, so se telaki, yan se mebatog din eneng-enengen olò se ibeg te Pengolo tadon amon meluba se Pengolo kandin.

1 Korinto 7:33

Meneng se meama doen esawa, yan se eked kebatog metibok se aneng-aneng din tomaking ki Cristo, so eneng-enengen din heman se ibeg te esawa din amon meluba se esawa din kandin,