Juan 10:10 - Manobo Sarangani

¹⁰ Domoton se menenakaw te kelokob amon menakaw, aw mengimatay, aw megbaet. Meneng dimini a amon memegay a te kaling pedowan wedad temanan diyà te kedita te otaw, sìyan kaling pedowan wedad kekolangan.

Juan 10:10 ပူးပေါင်းရင်းမြစ်များ

Mat. 18:10

“Keilangan eked kaw peglindò te sakop ko medanà iling te kedanà te mengisù seini, so mikagi a den diyà kenyo te egtonggoan dan te menge anghil gayed egdoma te Amay ko doton te langit. [

Mat. 18:11

Dimini a Timanem Migpekeotaw amon ipelowà ko se menge otaw nelegeb te salà.]

Mat. 20:28

Keilangan meg-iling sikandin kanak Timanem Migpekeotaw, so dimini a te tanà kenà amon tebangan a te otaw, meneng dimini a amon menabang a te otaw. Neketagad a den imetayan amon medita se otaw mekelowà lekat te pegkeallang dan diyà te salà.”

Mat. 21:13

Minikagi sikandin, “Doen kagi te Timanem impesolat din gebii, ‘Se balay te Timanem, yan se ingedanan balay te pegtawal-tawal.’ Meneng ininang niyo den ini iling te ogpeanan te megdedempasay.”

Mat. 23:13

“Mekelelayò kaw menge Parisiyo aw menenoladà te punù ingkeliwat i Moises. Eden niyo aw egpenimanem kaw, so egbelebagan niyo se menge otaw egkeibeg megpesakop diyà te peglowan te Timanem. Medaet so wedà kaw pegpesakop diyà kandin, meneng labi pa medaet so wedà niyo pesekopi se otaw egkeibeg megpesakop diyà kandin. [

Mar. 11:17

Penga niyan, migtoladà sikandin, kagi din, “Doen kagi te Timanem impesolat din gebii, ‘Se balay te Timanem, yan se ingedanan balay te pegtawal-tawal te kedita te otaw te keneyonan.’ Meneng ininang niyo den ini iling te ogpeanan te megdedempasay.”

Luc. 19:10

Dimini a te tanà Timanem Migpekeotaw amon tewalen ko se otaw nelegeb te salà, aw ipelowà ko dan.”

Juan 10:1

Mig-indan si Jesus kandan te tegdeyanan tepad te menge sakop din, aw sinu se mepakay mengibing kandan. Minikagi sikandin, “Eneng-enengi niyo se kagi ko kenyo. Aw doen kelokob te ayam-ayam karniro, se otaw eked okit te lelebangan niyan meneng lomàpang te alad, yan se menenakaw.

Juan 10:11

“Iling a te mèpiya telediyaga te karniro. Se mèpiya telediyaga te karniro, yan se egpeketagad pengkey matay amon megpelowà te karniro lekat te kededàtan.

Juan 12:47

Aw doen otaw dimineg te kebenalan intoladà ko meneng eked tolò kenyan, kenà ko se eglekatan te pelumun kandin. Insogò a dini kenà amon megpelumun a te otaw, meneng amon megpelowà a te otaw lekat te pelumun.

Juan 12:6

Yan se inikagi din kenà so egkeidowan din se otaw sagkep, meneng menenakaw sikandin, so gayed din eg-ebaten se kwarta insalig diyà kandin, so sikandin se egtonggò te kwarta te kedita dan.

Juan 3:17

Insogò te Timanem se Batà din dini te keneyonan kenà amon ipelumun din se otaw, meneng insogò din amon megpelowà te otaw.

Juan 5:40

meneng eked kaw pa pemenal kanak, aw yan eked kaw begayi te kaling pedowan wedad temanan.

Juan 6:33

Insogò dini lekat te langit se benal kànen ipegpemegay te Timanem, aw yan se mekebegay te kaling pedowan wedad temanan diyà te kedita te otaw.”

Juan 6:51

Siaken se kànen insogò dini lekat te langit mekebegay te kaling pedowan. Aw komaen se otaw te kànen seini, wedad temanan te pedowan din. Se kànen seini ibegay ko, yan se onod ko, amon mekekinawà se kedita te otaw te kaling pedowan.”

Roma 2:21

Pengkey migtoladà kaw te menge doma otaw te keilangan metòlid se inangen dan, meneng kenà niyo eg-inangen se ipegtoladà niyo. Pengkey egtoladà kaw te medaet se egpenakaw, meneng gayed kaw egpenakaw.

1 Timoteo 1:15

Benal se eg-ikegiyen seini, aw keilangan ontò tadon pemenalen. Dimini si Jesu Cristo te keneyonan amon megpelowà te otaw lekat te salà sipat siak ontò medaet diyà te kedita te otaw nekesalà.

Menge Hebreo 6:17

Iling heman kenyan se ininang te Timanem. So ibeg din metaga-taga se kedita te otaw kominawà te pakang din te eked din palos todai se tod din, yan se doun te impesipat din se kandin ngadan diyà te pakang din.

Menge Hebreo 7:25

Yan se doun te gayed sikandin mekebatog megpelowà te kedita te otaw megpedapag diyà te Timanem pineokit kandin. So wedad temanan din, gayed sikandin egpemoyò diyà te Amay din te itabang din kandan.

2 Pedro 1:11

Aw yan se eg-inangen niyo, ontò kaw ipeawop kidoen te peglowan i Jesu Cristo egpelowà kenitadon. Lomowan se Pengolo tadon te wedad temanan.