Juan 10:1 - Manobo Sarangani

¹ Mig-indan si Jesus kandan te tegdeyanan tepad te menge sakop din, aw sinu se mepakay mengibing kandan. Minikagi sikandin, “Eneng-enengi niyo se kagi ko kenyo. Aw doen kelokob te ayam-ayam karniro, se otaw eked okit te lelebangan niyan meneng lomàpang te alad, yan se menenakaw.

Juan 10:1 ပူးပေါင်းရင်းမြစ်များ

Mat. 7:15

“Peg-ahà kaw amon eked kaw keekali te menge otaw egpelingo-lingo telekeliwat te kagi te Timanem. Medaet se tod dan kenyo iling te mebolot menenanap te kebenesan iningedanan lobo egpelingo-lingo iling te ayam-ayam karniro amon megbaet te karniro.

Juan 10:7

Yan minikagi heman si Jesus, “Eneng-enengi niyo se kagi ko kenyo. Iling a te lelebangan te kelokob te karniro.

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Roma 10:15

Wedad heman otaw megtoladà kandan singed aw doen isogò doton kandan. Meneng doen den otaw insogò amon megtoladà kandan, so doen insolat kidoen te kagi te Timanem, “Ontò mèpiya se pegdateng te menge otaw egtoladà te Mèpiya Indan.”

Roma 16:18

Kenà dan egtolò te Pengolo tadon si Cristo, meneng egtaking dan te ibeg te kandan pedowan. Pineokit te mèpiya kagi dan, eg-akal dan te menge otaw wedà ketaga-taga te kebenalan.

Tito 1:11

Meneng keilangan segdahen no se pegtoladà dan, so medita se pamilya egsemoken dan pineokit te pegtoladà dan te eked kepakay itoladà. Meneng yan se ipegtoladà dan amon mengewarta dan.

Menge Hebreo 5:4

Eked kepakay aw megpepallì se otaw te kandin pegkeotawun amon meinang sikandin telekagon te Judiyo, so keilangan Timanem se tomawal te otaw meinang telekagon te Judiyo. Iling kenyan se pegpemallì te Timanem ki Aaron gebii.

1 Pedro 1:10

Ontò migpekeaseb mig-iling se menge telekeliwat te kagi te Timanem gebii tepad te pegpelowà te Timanem te otaw lekat te salà, aw gayed dan migtoladà te doen aldaw domateng te megtabang se Timanem te menge otaw, aw netoman den iyan diyà kenyo.

2 Pedro 2:1

Gebii doen menge otaw migpelingo-lingo te telekeliwat dan te kagi te Timanem, aw doen heman menge otaw megtoladà songkani megpelingo-lingo te lekat te Timanem se ipegtoladà dan. Meneng kebolalaw se itoladà dan, aw yan se mekedaet te pegsalig niyo diyà te Timanem. Eked dan keibeg aw lomowan kandan se Pengolo tadon migtansò kandan, aw yan egpedetengen dan se kededàtan te eked kenamay.

2 Pedro 2:3

Tandà te ibeg dan mengewarta, megtoladà dan kenyo te kebolalaw amon mengabat dan te kwarta niyo. Nenamay den doen pelumun impetagad kandan, aw agpet den dan ipelumun te Timanem.

1 Juan 4:1

Menge kedowa egkedekelan ko te pedowan, ikà niyo egpemenal te kedita te otaw megtoladà kenyo singed aw onà kaw mengemahà aw lekat te Timanem se intoladà dan, so medita se otaw eglegeb-legeb dini te keneyonan aw egpelingo-lingo te telekeliwat dan te kagi te Timanem.