Juan 1:51 - Manobo Sarangani

⁵¹ Minikagi heman si Jesus, “Eneng-enengi se kagi ko kamno, so komità kaw te langit meowang, aw kitaen niyo heman se menge anghil te Timanem menayit aw tomenà diyà kanak Timanem Migpekeotaw.”

Juan 1:51 ပူးပေါင်းရင်းမြစ်များ

Genesis 28:12

Migtegeinep sikandin. Kinità din se lelebangan impetindeg diyà te tanà aw minapet iyan te langit, aw medita se anghil egpenayit aw egtenà kidoen.

Mat. 25:31

“Aw lomikò a Timanem Migpekeotaw amon lomowan a, tekingan a te kedita te anghil. Penga niyan, menenoo a kidoen te melangkaw onsedanan te peglowan amon meg-okom a te kedita te otaw

Mat. 26:24

Metoman a imetayan, so yan se insolat gebii tepad kanak Timanem Migpekeotaw. Meneng mekelelayò se otaw megtolok kanak. Mèpiya peden aw wedà sikandin tebaw.”

Mat. 3:16

Penga te pegbonyag din kandin, minanggin si Jesus lekat te wayeg. Pegketà, neowang se langit, aw kinità din se Espiritu Santo migpedanà diyà kandin iling te selepati, aw mig-ogpà diyà kandin.

Mat. 4:11

Penga niyan, nesayo si Satanas, aw doen menge anghil insogò te Timanem amon meg-ipat dan ki Jesus.

Mat. 8:20

Meneng minikagi si Jesus, “Mèpiya pa se menge menenanap te kebenesan, so doen ogpeanan dan. Mèpiya pa heman se menge manok, so doen heman embonganan dan. Meneng melima aw tomaking ka kanak Timanem Migpekeotaw, so wedad palos ibatan ko te delem.”

Mat. 9:6

Meneng so Timanem a Migpekeotaw, ipekità ko den kenyo te mekebatog a megwedad te salà te otaw dini lanto te tanà.” Penga niyan, minikagi si Jesus diyà te otaw kenà egpekeiwal, “Enaw ka. Loloni se inibatan no, aw olì ka den.”

Mar. 1:10

Peg-anggin i Jesus lekat te wayeg, pegketà kinità din se langit neowang aw migpedanà se Espiritu Santo diyà kandin iling te selepati.

Mar. 14:62

Minikagi si Jesus, “Benal iyan. Komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Luc. 2:13

Pegketà kinità dan se ontò medita anghil lekat te langit timaking kandin. Dimuyun dan te Timanem, kagi dan,

Luc. 2:9

Pegketà migpekità se anghil insogò te Pengolo diyà kandan, aw doen minanyag diyà kandan lekat te Pengolo. Ontò dan nelemitan.

Luc. 22:43

Penga niyan, doen anghil insogò lekat te langit amon megpekagsen te pedowan din.

Luc. 22:69

Meneng te eked kenamay, menenoo a Timanem Migpekeotaw kidoen te tangkil te Timanem metolos amon lomowan a doma din.”

Luc. 24:4

Migkebulung dan aw eden se neinang. Penga niyan, kinità dan se didowa anghil kidoen, aw ontò mepotì se penenaktun dan.

Luc. 3:21

Meneng dalem pa te pegbonyag i Juan te kedita te otaw, migpebonyag heman si Jesus. Penga niyan, dalem te pegtawal-tawal i Jesus, neowang se langit,

Juan 1:50

Minikagi si Jesus, “Nemenal ka den so minikagi a olò te kinità ta kidoen te kayo igira. Meneng komità ka kwani te inang ko labi pa metolos kani.”

Juan 10:1

Mig-indan si Jesus kandan te tegdeyanan tepad te menge sakop din, aw sinu se mepakay mengibing kandan. Minikagi sikandin, “Eneng-enengi niyo se kagi ko kenyo. Aw doen kelokob te ayam-ayam karniro, se otaw eked okit te lelebangan niyan meneng lomàpang te alad, yan se menenakaw.

Juan 10:7

Yan minikagi heman si Jesus, “Eneng-enengi niyo se kagi ko kenyo. Iling a te lelebangan te kelokob te karniro.

Juan 13:16

Eneng-enengi niyo se kagi ko kenyo. Se sineligan, kenà melangkaw diyà te amo din. Se sogounun, kenà heman melangkaw diyà te otaw simogò kandin.

Juan 13:38

Timaba si Jesus, “Eden no aw neketagad ka den imetayan tandà te pegtaking no kanak. Eneng-enengi se kagi ko kamno. Te eked pa pegkolaak se manok te iselem, ibolon a nikaw te meketelo.”

Juan 14:12

“Eneng-enengi niyo se kagi ko kenyo. Se otaw memenal kanak, iling heman te eg-inangen ko se inangen din, aw labi pa dakel se inangen din, so mesayo a den aw molì a doton te Amay ko.

Juan 16:20

Eneng-enengi niyo se ikegiyen ko den diyà kenyo. Megkelag aw megmatay kaw tepad kanak, meneng meluba se medaet otaw dini te keneyonan. Pengkey melidò kaw, meneng todà kaw meluba.

Juan 16:23

Aw metoman iyan, wedad keilangan te peg-insà niyo kanak aw eden se kedegdagan te inikagi ko. Eneng-enengi niyo se kagi ko seini. Aw doen pemoyoen niyo diyà te Amay ko pineokit te ngadan ko, yan se ibegay din kenyo.

Juan 21:18

Eneng-enengi se ikegiyen ko kamno. Te kaling ka pa otaw, sikona se nenaol te kamno pegkeotawun, aw sikona heman se nemallì aw kenan ka pesalo. Meneng aw megketemoay ka, ibegay no se belad no amon geposen ka te menge doma otaw, aw ibingen ka dan doton te kenà no ibeg.”

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Juan 3:5

Minikagi si Jesus, “Eneng-enengi se kagi ko kamno. Aw eked tebaw se otaw pineokit te wayeg aw pineokit heman te Espiritu Santo, eked sikandin kesakop diyà te peglowan te Timanem.

Juan 5:19

Minikagi si Jesus diyà te menge obanen te Judiyo, “Eneng-enengi niyo se kagi ko kenyo. So Batà a te Timanem, wedad palos inangen ko lowà te ibeg te Amay ko. Olò ko inangen se tapay kinità ko eg-inangen te Amay ko. Se inangen din, yan heman se inangen ko,

Juan 5:27

So siak se Timanem Migpekeotaw, binegayan a din heman te peg-okom te otaw.

Juan 6:26

Timaba si Jesus, “Eneng-enengi niyo se kagi ko kenyo. Nengemahà kaw kanak kenà so nemenal kaw pineokit te kepelahan impekità ko kenyo, meneng nengemahà kaw kanak so nebesog kaw te pan impekaen ko kenyo gebenini.

Juan 6:32

Minikagi si Jesus, “Eneng-enengi niyo se kagi ko kenyo. Kenà si Moises se nemegay te kànen lekat te langit, meneng Timanem se egpemegay kenyo te benal kànen lekat te langit.

Juan 6:47

Eneng-enengi niyo se kagi ko kenyo. Doen kaling pedowan wedad temanan te kedita te otaw nemenal kanak.

Juan 6:53

Minikagi si Jesus, “Eneng-enengi niyo se kagi ko kenyo. Aw eked kaw kaen te onod ko, aw eked kaw heman inem te dipanog ko, wedad kaling pedowan ibegay kenyo. Siak se Timanem Migpekeotaw,

Juan 8:34

Minikagi si Jesus, “Eneng-enengi niyo se kagi ko kenyo. Se kedita te otaw eg-inang te salà, yan se allang te salà.

Juan 8:51

Eneng-enengi niyo se kagi ko kenyo. Eked detengi te kemetayun se kedita te otaw tomolò te ipegtoladà ko.”

Juan 8:58

Minikagi si Jesus, “Eneng-enengi niyo se kagi ko. Te wedà pa tebaw si Abraham, tapay a den doen.”

Ininang 10:11

Kinità din se langit neowang. Doen migpedanà diyà kandin iling te dakel bekas intonton lekat te langit aw inewidan diyà te epat dogong.

Ininang 7:56

Minikagi si Esteban, “Tay. Kinità ko se langit neowang, aw kidoen se Timanem Migpekeotaw eglowan den tangkil te Timanem.”

2 Tesalonika 1:7

Meneng sikiyo egpemilangen songkani, inangen kaw din beyang-beyang sipat heman sikami. Yan se inangen din aw lomikò se Pengolo tadon lekat te langit. Iling te apoy se saol din, aw tekingan sikandin te menge anghil metolos lekat te langit. Ipelumun din se kedita te otaw kimulu te Timanem. Ipelumun din se kedita te otaw wedà pemenal te Mèpiya Indan tepad te Pengolo tadon si Jesus.

2 Tesalonika 1:9

Ipelumun dan te kemetayun wedad temanan, so ipekesayo dan lekat te Pengolo tadon, aw lekat te kelangkaw te tolos din.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Menge Hebreo 1:14

Nayan, netegahan tadon den ini. Se menge anghil, yan olò se egsogò-sogoen te Timanem. Pengkey eked dan kitai te otaw, meneng ipegsogò dan te Timanem amon megtabang dan te kedita tadon ipelowà din.

Judas 1:14

Gebii doen kagi te Timanem ingkeliwat i Enok tepad te menge otaw sìyan. Diyà te kedita te bowad-bowad i Adam, si Enok se apò din te ikepito keliwat. Minikagi sikandin, “Peg-ahà kaw, so domateng se Pengolo tadon tinekingan te minelalan anghil din.

Impekità 19:11

Penga niyan, kinità ko se langit neowang, aw doen kodà mepotì. Se otaw simakay kenyan, yan se doen doma ngadan din si Keseligan, aw si Kebenalan. Metòlid se kedita te pegpelumun din aw peglompak din te poon din.

Impekità 4:1

Penga niyan, doen pa heman doma impekità te Pengolo kanak, so kinità ko se lelebangan neowang kidoen te langit. Se otaw tapay minikagi diyà kanak te ontò dakel se kagi din iling te peg-edop te bodyong, yan se todà minikagi, “Penayit ka diyà, so ipekità ko kamno aw eden se metoman domateng te modi aldaw.”