Juan 1:50 - Manobo Sarangani

⁵⁰ Minikagi si Jesus, “Nemenal ka den so minikagi a olò te kinità ta kidoen te kayo igira. Meneng komità ka kwani te inang ko labi pa metolos kani.”

Juan 1:50 ပူးပေါင်းရင်းမြစ်များ

Mat. 13:12

Se otaw kominawà te kebenalan, yan se dogangan te kebenalan amon labi pa dakel diyà te keilangan din. Meneng se otaw eked kinawà te kebenalan, yan se pegwedadan te kebenalan.

Mat. 21:19

Kinità din se kayo igira medapag te dalan, aw dimoton sikandin amon mahà te pongo niyan. Meneng wedad palos pongo kinità din, olò menge dawen. Minikagi sikandin diyà te kayo, “Eked den palos pongo se kayo seini.” Wedà kenamay, nelanes se kayo sìyan.

Mat. 25:29

Se otaw egkeseligan, yan se begayan ko te labi pa dakel diyà te keilangan din. Meneng se otaw kenà egkeseligan, yan se ebatan ko te imbegay ko diyà kandin.

Luc. 1:45

Doen den keluba nikaw, so nemenal ka te metoman se kagi ingkeliwat diyà kamno lekat te Pengolo.”

Luc. 7:9

Pegdineg i Jesus kenyan, ontò nepela. Penga niyan, miniling sikandin aw minikagi diyà te medita otaw timaking kandin, “Eneng-enengi niyo se kagi ko kenyo. Pengkey kidoen te menge bowad-bowad i Israel, wedad palos otaw netelaan ko simalig kanak iling te pegsalig din.”

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Juan 1:51

Minikagi heman si Jesus, “Eneng-enengi se kagi ko kamno, so komità kaw te langit meowang, aw kitaen niyo heman se menge anghil te Timanem menayit aw tomenà diyà kanak Timanem Migpekeotaw.”

Juan 11:40

Minikagi si Jesus, “Eneng-enengi se inikagi ko diyà kamno. Aw memenal ka kanak, komità ka te melangkaw se Timanem.”

Juan 20:29

Minikagi si Jesus, “Nemenal ka den so kimità ka den kanak. Meneng labi pa meluba se menge otaw memenal pengkey wedà dan kità kanak.”