Juan 1:43 - Manobo Sarangani

^43-44 Keeldawan niyan, migpetagad si Jesus domoton te probinsya te Galiliya. Onà din pinengemahà si Felipe tege Bitsayda. Yan heman se lonsod eg-ogpaan i Andres aw si Pedro. Pegkità i Jesus ki Felipe, minikagi sikandin, “Taking ka kanak.”

Juan 1:43 ပူးပေါင်းရင်းမြစ်များ

Mat. 10:3

aw si Felipe, si Bartolome, si Tomas, si Mateo sìyan iskribinti, aw si Santiago batà i Alfeo, si Tadeo,

Mat. 4:12

Nayan, impedakep i Herod si Juan Memonyagay aw impekeleboso din. Pegketaga-taga i Jesus kenyan, minolì sikandin doton te probinsya te Galiliya.

Mat. 8:22

Meneng minikagi si Jesus, “Keilangan tomaking ka den kanak, so mèpiya aw otaw wedad kaling pedowan se meglebeng te menge doma dan nematay.”

Mat. 9:9

Nayan, pegkesayo i Jesus lekat kidoen, kinità din se iskribinti nenenoo kidoen te opisina din, ngadan din si Mateo. Minikagi si Jesus, “Taking ka kanak.” Yan timindeg si Mateo aw timaking sikandin ki Jesus.

Luc. 19:10

Dimini a te tanà Timanem Migpekeotaw amon tewalen ko se otaw nelegeb te salà, aw ipelowà ko dan.”

Juan 1:28

Neinang se kedita niyan kidoen te lonsod te Bitanya doton dipag te wayeg te Jordan egbonyagan i Juan.

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Juan 1:35

Keeldawan niyan, kimidoen heman todà si Juan Memonyagay sipat dowa tinoledaan din.

Juan 1:37

Pegdineg te dowa tinoledaan din kenyan, timaking dan ki Jesus.

Juan 12:21

Nengemahà dan ki Felipe tege Bitsayda, sakop te Galiliya. Minikagi dan, “Sir, meibeg kay komità ki Jesus.”

Juan 14:8

Minikagi si Felipe, “Pengolo, pekitai den se Timanem kenami, aw yan wedad den doma pemoyoen day.”

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 6:5

Pegtengteng i Jesus, kinità din se medita otaw migpesalo diyà kandin. Minikagi si Jesus diyà ki Felipe, “Kenan lay beyadi se ipekaen tadon kandan?”

Juan 6:7

Timaba si Felipe, “Simpana doen ontò dakel kwarta tadon, pengkey doen dowa gatos se kwarta dinaryo ibayad tadon te pan, kolang pa se pan iteped diyà kandan, so ontò dan medita.”

Filipos 3:12

Eked a ikagi te netoman ko den se kedita niyan. Eked a heman ikagi te neinang a den te Timanem ontò metòlid. Meneng measeb a pa egtaking te ibeg din, so yan se doun te pegsakop i Jesu Cristo kanak.

1 Juan 4:19

Doen dakel pedowan tadon so monà kidon nedekelan te Timanem te pedowan.