Juan 1:33 - Manobo Sarangani

³³ Kedengan, wedà ko pa ketegahi aw sinu sikandin, meneng insogò a te Timanem amon memonyag a pineokit te wayeg, aw inindanan a din te komità a te Espiritu Santo megpedanà kidoen te otaw aw meg-ogpà kandin. Sebad heman kemolò se pegbonyag din, so sikandin se memonyag pineokit te Espiritu Santo.

Juan 1:33 ပူးပေါင်းရင်းမြစ်များ

Mat. 3:11

Egpemonyag a pineokit te wayeg, so yan se pengilala te migselsel kaw den te salà ininang niyo. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey mengibing a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Luc. 3:16

Meneng minikagi si Juan, “Egpemonyag a pineokit te wayeg. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey meglebad a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Juan 1:31

Kedengan, wedà ko pa ketegahi aw sinu sikandin, meneng yan se tod te pegbonyag ko pineokit te wayeg amon metaga-taga se kedita niyo bowad-bowad i Israel tepad te pegdateng din.”

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Juan 3:34

Eg-ikagi se insogò te Timanem te kagi lekat te Timanem, so tigkan imbegay te Timanem se Espiritu Santo diyà kandin.

Juan 3:5

Minikagi si Jesus, “Eneng-enengi se kagi ko kamno. Aw eked tebaw se otaw pineokit te wayeg aw pineokit heman te Espiritu Santo, eked sikandin kesakop diyà te peglowan te Timanem.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Ininang 1:5

Kedengan, pineokit te wayeg se pegbonyag i Juan. Meneng sebad kemolò se pegbonyag te Timanem kenyo, so te eked kenamay, domateng se Espiritu Santo kenyo.”

Ininang 2:4

Yan dimateng se Espiritu Santo kandan. Nekeikagi den dan te medita kemolò kagi te doma otaw wedà dan peg-ilingi, so impeikagi dan te Espiritu Santo.

1 Korinto 12:13

So se kedita tadon, pengkey Judiyo aw kenà Judiyo, aw pengkey allang aw kenà allang, meneng binonyagan se kedita tadon pineokit te Espiritu Santo amon meinang kidon sebad lawa, aw binegayan se kedita tadon te Espiritu Santo meg-ogpà diyà te pedowan tadon.