Juan 1:29 - Manobo Sarangani

²⁹ Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Juan 1:29 ပူးပေါင်းရင်းမြစ်များ

Mat. 1:21

Doen batà meama tomebaw diyà kandin ingedanan no ki Jesus, so sikandin se megpelowà te otaw lekat te salà.”

Mat. 20:28

Keilangan meg-iling sikandin kanak Timanem Migpekeotaw, so dimini a te tanà kenà amon tebangan a te otaw, meneng dimini a amon menabang a te otaw. Neketagad a den imetayan amon medita se otaw mekelowà lekat te pegkeallang dan diyà te salà.”

Juan 1:35

Keeldawan niyan, kimidoen heman todà si Juan Memonyagay sipat dowa tinoledaan din.

Juan 1:36

Pegkità din te peg-okit i Jesus kidoen, minikagi sikandin, “Na, yan se Nati te Karniro imbegay te Timanem.”

Juan 1:43

Keeldawan niyan, migpetagad si Jesus domoton te probinsya te Galiliya. Onà din pinengemahà si Felipe tege Bitsayda. Yan heman se lonsod eg-ogpaan i Andres aw si Pedro. Pegkità i Jesus ki Felipe, minikagi sikandin, “Taking ka kanak.”

Juan 2:1

Te iketelo te aldaw, doen peipid kidoen te Kana sakop te probinsya te Galiliya. Timanod se inay i Jesus te peipid.

Juan 3:16

Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”

Juan 6:51

Siaken se kànen insogò dini lekat te langit mekebegay te kaling pedowan. Aw komaen se otaw te kànen seini, wedad temanan te pedowan din. Se kànen seini ibegay ko, yan se onod ko, amon mekekinawà se kedita te otaw te kaling pedowan.”

Ininang 8:32

Nayan, seini se kagi te Timanem binasa te tege Etyopya. “Iling sikandin te karniro inibing amon iyawen. Iling heman sikandin te nati te karniro kenà eg-ikagi aw gontingan se bolbol, so pengkey kelimahan sikandin, meneng wedad palos kagi din.

1 Korinto 15:3

Se intoladà te Timanem kanak, yan se ingkeliwat ko heman diyà kenyo. Seini se kebenalan ontò melangkaw te kedita. Nematay si Cristo amon megpelowà kenitadon lekat te salà, aw yan netoman se kagi te Timanem tapay insolat gebii.

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

Galasya 1:4

Lekat te kandin ibeg, nematay si Cristo amon meabat se kedita te salà tadon, amon eked kidon taking te menge otaw eg-inang te medaet dini te keneyonan. Timolò si Cristo mig-inang kenyan, so yan se ibeg te Timanem Amay tadon.

Galasya 3:13

Meneng wedad otaw meketolò te kedita te punù sìyan. Se otaw egsalig diyà te punù ingkeliwat i Moises, yan se otaw ipelumun te Timanem pineokit te menge punù sìyan. Meneng si Cristo se migpelowà kenitadon lekat te pelumun, so sikandin se impelumun inselilin kenitadon. Se pegpelumun kandin, yan se pegkematay din doton te kros. So doen kagi te Timanem insolat, “Pengkey sinu otawi se imetayan aw bitinen doton te kayo intollok, yan se pengilala te ontò dakel se pelumun kandin.”

1 Timoteo 2:6

Lekat te kandin ibeg, simelilin sikandin kenitadon aw nematay amon ipelowà din se kedita te otaw. Pegdateng te aldaw pinemallì te Timanem, impetaga-taga din pineokit ki Jesu Cristo te doen ibeg din ipelowà se kedita te otaw lekat te salà.

Tito 2:14

Sikandin se simelilin kenitadon te pegkematay din amon megpelowà kenitadon lekat te pegkeallang tadon te salà, aw amon sekopen kidon din. Yan se doun te lininisan kidon din lekat te salà, aw ininang kidon din otaw meibeg meg-inang te mèpiya.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.

Menge Hebreo 2:17

Meneng eked sikandin peketabang kenitadon singed aw meinang sikandin iling kenitadon menge kedowa din. Yan se doun te migpekeotaw sikandin aw timayod te kelimahan amon meinang sikandin telekagon tadon doton te Timanem, aw amon pegwedaden din se menge salà tadon. So dinetengan sikandin te kelimahan, yan doen den keido din kenitadon egdetengan te kelimahan. So neketayod sikandin te pegboyo i Satanas, yan meketabang den sikandin te kedita te otaw boyowen i Satanas.

Menge Hebreo 9:28

Mekesebad heman se pegkematay i Cristo amon mengabat te salà te kedita tadon. Lomikò pa sikandin dini te tanà kenà amon todà mengabat te salà tadon, meneng lomikò amon mangay te kedita te otaw egpeliman kandin.

1 Pedro 1:19

Meneng impelowà kaw din so nematay se meelagà Batà din si Cristo. Iling sikandin te karniro ontò mèpiya aw wedad kolang eg-imetayan aw ipegpemegay diyà te Timanem.

1 Pedro 2:24

Pegkematay din doton te kros, inibing din se kedita te salà tadon amon mekelowà kidon lekat te salà aw amon mekeinang kidon te metòlid. Pineokit te pegpelumun kandin, migkèpiya kidon den.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

1 Juan 2:2

Sikandin se simelilin kenitadon inimetayan amon pegwedaden te Timanem se menge salà tadon. Kenà olò kenitadon salà se pegwedaden din, meneng salà te kedita te otaw te keneyonan se pegwedaden din.

1 Juan 3:5

Netegahan niyo den te migpekeotaw si Jesu Cristo amon pegwedaden te Timanem se menge salà te otaw. Wedad palos salà i Jesu Cristo,

1 Juan 4:10

Yan ketegahan tadon aw eden se ontò benal kedakel te pedowan, so kenà kedakel te pedowan tadon diyà te Timanem, meneng kedakel te pedowan te Timanem kenitadon, so insogò din se Batà din amon somelilin kenitadon imetayan, aw amon mekelowà kidon lekat te salà.

Impekità 12:11

Meneng dinaeg dan sikandin pineokit te dipanog te Karniro inimetayan doton te kros, aw pineokit te peg-indan te kebenalan tepad ki Cristo, so wedà dan kelemitan pengkey imetayan dan tandà te pegsalig dan diyà ki Cristo.

Impekità 13:8

Simbahen iyan te kedita te otaw te keneyonan, sìyan menge otaw wedà kesolat se ngadan dan kidoen te libro sinolatan te ngadan te kedita te otaw begayan te kaling pedowan wedad temanan. Yan se libro insolat te Karniro inimetayan, aw insolat iyan te wedà pa inangi se keneyonan.

Impekità 14:1

Penga niyan, kinità ko se Karniro timindeg kidoen te bontod iningedanan Sion. Kidoen heman doma din se sebad gatos kepatan teg epat melalan otaw, sìyan otaw doen ngadan te Karniro aw ngadan te Amay din Timanem insolat diyà te kilay dan.

Impekità 14:10

ipesipat kaw heman diyà te otaw ipelumun te Timanem, so neketagad den sikandin megpelumun te wedad keido din. Dalem te pegtonggò te Karniro aw menge anghil te Timanem, ipelumun te Timanem se otaw te apoy aw esopri.

Impekità 14:4

Wedà dan layok te kenà kandan esawa, so wedà dan pengognan. Egtaking dan te Karniro pengkey kenan pesalo. Impelowà din dan lekat te salà kidoen te keneyonan, aw neinang dan iling te pongo monà geniyen ibegay diyà te Timanem aw diyà te Karniro.

Impekità 15:3

Migdelangan dan te delangan i Moises timolò te Timanem gebii, aw delangan te Karniro, kagi dan, “E Timanem, Pengolo day, Eglowan ka diyà te kedita te otaw. Ontò mèpiya se kedita te inang nikaw. Sikona se selotan diyà te kedita te lonsod. Metòlid aw neketotok se kedita te eg-inangen nikaw.

Impekità 17:14

Penga niyan, megbolaw dan te Karniro. Meneng dàgen din dan, so sikandin se Pengolo diyà te kedita te pengolo, aw sikandin se Selotan eglowan diyà te kedita te selotan. Se kedita te sakop te Karniro, yan se otaw tinawal te Timanem, aw pinemallì din, aw egkeseligan dan.”

Impekità 19:7

Keilangan ontò kidon meluba aw iduyun tadon sikandin, so dimateng den se peipid te Karniro, aw neketagad den se ipeipid kandin.

Impekità 19:9

Penga niyan, minikagi se anghil, “Solat ka den kani. Ontò meluba se kedita dan tinawal diyà te peipid te Karniro.” Penga niyan, minikagi heman sikandin, “Yan se benal kagi te Timanem.”

Impekità 21:14

Doen sempolò teg dowa dakel bato pinetindegan te alad, aw sinolatan se bato te menge ngadan te sempolò teg dowa sogounun te Karniro.

Impekità 21:27

Meneng wedad palos medaet mekeawop kidoen. Eked heman pekeawop se otaw eg-inang te medaet aw egkebolalaw. Meneng se otaw mekeawop te lonsod sìyan, yan olò se otaw insolat se ngadan dan kidoen te libro sinolatan te Karniro te ngadan te kedita te otaw binegayan te kaling pedowan.

Impekità 21:9

Penga niyan, migpedapag kanak se sebad anghil tapay mig-olà te kededàtan lekat te lipong din. Minikagi sikandin, “Ayas ka, so ipekità ko kamno se bayi neinang den esawa te Karniro.”

Impekità 5:6

Penga niyan, doen kinità ko diyà te tengà-tengà te onsedanan te peglowan aw epat ayam-ayam metolos aw menge obanen. Doen Nati te Karniro mig-ogpà kidoen, aw kinità ko se menge laas te palì te pegpengimatay kandin gebii, meneng neantay den sikandin. Doen pito seka din, aw pito se mata din, aw yan se pengilala te Espiritu Santo egpetaga-taga te metolos sikandin pineokit te pito keokit, aw insogò doton te kebelad te keneyonan.

Impekità 5:8

Peg-abat din te papil, limongken se kedita te ayam-ayam metolos aw obanen diyà kandin amon megsimba dan kandin. Inibing te teg sebad-sebad obanen se alpa egkebliten, aw inewidan dan heman se menge lipong ininang te bolawan. Nepenò se lipong dan te metinadeg egsonogen amon megkèpiya se nadeg. Yan se polingun te pegtawal-tawal te menge sakop te Timanem kandin.

Impekità 6:1

Penga niyan, dalem te pegtengteng ko, inabat te Karniro se tagnà te pito pengilala impeket diyà te solat linolon. Penga niyan, dinineg ko se kagi te sebad ayam-ayam metolos, aw iling te daging te kilat se kagi din. Minikagi sikandin, “Ayas ka den.”

Impekità 6:16

Timawal dan heman diyà te menge bontod aw dakel bato, kagi dan, “Bonboni kay niyo, aw selibengi kay niyo amon eked kay kitai te Timanem egpenenoo kidoen te onsedanan te peglowan kidoen te langit. Elesi kay niyo amon eked kay detengi te pelumun lekat te Karniro,

Impekità 7:14

Timaba a, “Apò, wedà ko ketegahi. Indani a.” Minikagi sikandin, “Lekat dan te ontò kelimahan. Migbugsak den dan te saol dan diyà te dipanog te Karniro amon ontò iyan megkepotì.

Impekità 7:17

so egtonggoan dan te Karniro tangkil te onsedanan te peglowan. Ibingen din dan doton te olo te wayeg mekebegay te kaling pedowan wedad temanan. Ebaten heman te Timanem se kedita te puluk dan.”