Juan 1:21 - Manobo Sarangani

²¹ Mig-insà dan, “Sinu ka lay? Si Elias ka lay?” Timaba si Juan, “Kenà ko.” Minikagi dan, “Sikona besi se sìyan doma telekeliwat te kagi te Timanem pinelimanan day.” Timaba sikandin, “Kenà ko.”

Juan 1:21 ပူးပေါင်းရင်းမြစ်များ

Mat. 11:14

Simpana nemenal kaw te inikagi te menge otaw gebii, netegahan niyo den te si Juan se timoman te intoladà dan te doen domateng iling te telekeliwat te kagi te Timanem gebii si Elias.

Mat. 16:14

Timaba dan, “Doen menge otaw eg-ikagi te sikona si Juan Memonyagay. Doen heman eg-ikagi te sikona si Elias. Doen heman eg-ikagi te sikona si Jeremias aw doma telekeliwat te kagi te Timanem gebii.”

Mat. 21:11

Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”

Luc. 1:17

Mekeonà sikandin diyà te Pengolo amon megpetaga-taga sikandin te kedita te otaw te agpet den domateng se Pengolo. Megtabang se Espiritu Santo kandin iling te pegtabang din te telekeliwat te kagi din si Elias gebii. Pineokit te pegtoladà i Juan, megpèpiyaay se pedowan te menge telebatà. Megtoladà heman sikandin te menge otaw kenà egtolò te Timanem amon meg-inang dan te metòlid. Aw metoman iyan, meketagad den dan te pegdateng te Pengolo.”

Juan 1:22

Todà dan minikagi, “Indani kay aw sinu ka, amon doen itaba day diyà te menge otaw simogò kenami. Eden lay se inangen no dini?”

Juan 1:25

Mig-insà dan heman, “Aw kenà nikaw se Misiyas megpelowà kenami, aw kenà nikaw heman si Elias limikò dini, aw kenà nikaw heman se sìyan doma telekeliwat te kagi te Timanem egpelimanan day, nengà lay egpemonyag ka?”

Juan 6:14

Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Juan 7:40

Pegdineg dan te inikagi din, doen menge otaw minikagi, “Sikandin se ontò benal telekeliwat te kagi te Timanem tapay din impakang.”