Juan 1:19 - Manobo Sarangani

^19-20 Doen menge pengolo te simbahan te Judiyo aw menge bowad-bowad i Levi dimoton ki Juan Memonyagay. Insogò dan te menge obanen te Judiyo lekat te Jerusalem amon meg-insà dan ki Juan aw sinu sikandin. Seini se inikagi i Juan, so wedà din boloni se kebenalan, meneng timaba sikandin, kagi din, “Kenà ko se Misiyas megpelowà kenyo.”

Juan 1:19 ပူးပေါင်းရင်းမြစ်များ

Juan 1:7

meg-indan diyà te kedita te otaw te si Jesus se lowa te Timanem, amon memenal se kedita te otaw diyà ki Jesus pineokit te itoladà din.

Juan 10:24

Migpedapag se menge obanen te Judiyo kidoen kandin, aw minikagi dan, “Nenamay den wedà day ontò ketegahi aw eden se tod nikaw. Ikà den egbolon diyà kenami aw sinu ka. Indani kay aw sikona se Misiyas megpelowà kenami. Ibeg day ontò mebangal se kagi no kenami.”

Juan 10:31

Pegdineg te menge obanen te Judiyo te inikagi din sìyan, todà dan nengimon te menge bato ibontog kandin amon imetayan dan sikandin.

Juan 11:19

Yan se doun te medita se menge Judiyo tege Jerusalem limaoy ki Marta aw si Maria amon sinelayen dan tandà te kedowa dan nematay.

Juan 2:18

Penga niyan, mig-insà se menge obanen te Judiyo, “Doen lay pengilala ipekità no kenami amon ketegahan day te insogò ka meg-inang kenyan?”

Juan 2:20

Minikagi dan, “Kepatan teg enem se omay te peg-inang te balay te Timanem seini. Eked no iyan petindegi dalem te telo se aldaw.”

Juan 5:10

Yan neopalan te menge obanen te Judiyo se otaw negolian. Minikagi dan, “Seini se aldaw te peg-etod. Nekelàpang ka te punù so nengibing ka te ikam.”

Juan 5:15

Penga niyan, nesayo se otaw negolian, aw mig-indan diyà te menge obanen te Judiyo te si Jesus se migpegolì kandin.

Juan 5:16

Yan se doun te pinemilang dan si Jesus, so neopal dan te pegpegolì din te otaw aldaw te Sebado.

Juan 5:18

Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

Juan 6:41

Pegdineg te menge obanen te Judiyo kenyan, nebensi dan, so minikagi si Jesus te sikandin se kànen imbegay te Timanem kandan lekat te langit.

Juan 6:52

Pegdineg te menge obanen te Judiyo kenyan, migpedindilay dan, kagi dan, “Eked sikandin pemegay te onod din kenitadon amon mekaen tadon iyan.”

Juan 7:1

Penga niyan, miglegeb si Jesus kidoen te probinsya te Galiliya. Wedà sikandin doton te probinsya te Judiya, so doen menge obanen te Judiyo meibeg mengimatay kandin.

Juan 7:11

Kidoen te Jerusalem, doen menge obanen te Judiyo nengemahà kandin, aw migpeinsaay dan, “Kenan lebò sikandin?”

Juan 7:15

Pegtoladà din, ontò nepela se menge obanen te Judiyo, aw minikagi dan, “Kenan lebò lekat se kebiyasa te otaw seini? So wedà sikandin toledai te menge pengolo te simbahan.”

Juan 8:22

Yan migpeinsaay se menge obanen te Judiyo, “Megpekematay lay sikandin? So minikagi sikandin te eked kidon pekedoton te dotonan din.”

Juan 8:48

Pegdineg te menge obanen te Judiyo te inikagi i Jesus, minikagi dan, “Benal besi te kenà ka doma day Judiyo, meneng sakop ka besi te probinsya te Samarya eglindoan day. Migkebook ka so dinetengan ka te bosaw.”

Juan 8:52

Minikagi se menge obanen te Judiyo, “Ontò day den netegahan te doen bosaw diyà kamno. Pengkey si Abraham aw kedita te telekeliwat te kagi te Timanem gebii, dinetengan se kedita dan te kemetayun. Meneng minikagi ka te eked detengi te kemetayun se otaw tomolò te ipegtoladà nikaw.

Juan 8:57

Minikagi se menge obanen te Judiyo, “Wedà ka pa apet te keliman se omay. Ontò ka lay kimità ki Abraham?”

Ininang 13:25

Te wedà pa kematay si Juan, minikagi sikandin, ‘Kenà ko se pinelimanan niyo, meneng doen pa domateng mekeselilin kanak. Kenà botong se kelangkaw ko amon megtelaban a kandin pengkey meglebad a te sepatos din, so ontò sikandin melangkaw diyà kanak.’

Ininang 19:4

Minikagi si Pablo, “Binonyagan i Juan se otaw migselsel te salà dan. Meneng migtoladà heman sikandin te keilangan memenal se menge Judiyo diyà te sebad otaw somelilin kandin, aw yan si Jesus.”

1 Juan 1:5

Seini se intoladà i Jesu Cristo dinineg day, aw ipegtoladà day heman kenyo. Timanem se kelowahan, aw yan wedad palos kengitngitan diyà kandin.