Juan 1:16 - Manobo Sarangani

¹⁶ Ontò kidon din neidowan, aw gayed kidon din egtebangan te wedad temanan.

Juan 1:16 ပူးပေါင်းရင်းမြစ်များ

Mat. 13:12

Se otaw kominawà te kebenalan, yan se dogangan te kebenalan amon labi pa dakel diyà te keilangan din. Meneng se otaw eked kinawà te kebenalan, yan se pegwedadan te kebenalan.

Mat. 3:11

Egpemonyag a pineokit te wayeg, so yan se pengilala te migselsel kaw den te salà ininang niyo. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey mengibing a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Mat. 3:14

Meneng wedà keibeg si Juan aw sikandin se megbonyag ki Jesus, so minikagi sikandin, “Eked kepakay aw siak se megbonyag kamno. Keilangan sikona se megbonyag kanak.”

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

Juan 3:34

Eg-ikagi se insogò te Timanem te kagi lekat te Timanem, so tigkan imbegay te Timanem se Espiritu Santo diyà kandin.

Roma 5:17

Pengkey benal egkematay se kedita te otaw tandà te salà ininang te sebad otaw si Adam, meneng ontò mèpiya se dimateng diyà kenitadon tandà te ininang te sebad otaw si Jesu Cristo. Ontò mèpiya se tabang te Timanem imbowang din kenitadon, sìyan peg-aneng-aneng din te metòlid kidon, so aw kominawà kidon te tabang din sìyan, begayan kidon din te kaling pedowan, aw ipelowan kidon doma din doton te langit.

Roma 5:2

Pineokit te pegpemenal tadon kandin, nekeakop kidon diyà te otaw egtebangan te Timanem. Neluba kidon den heman, so egpelimanan tadon se aldaw te meg-ogpà kidon doma te Timanem doton te langit.

Roma 5:20

Impekeliwat te Timanem se menge punù din ki Moises, amon metaga-taga kidon te ontò dakel se salà ininang tadon. Meneng pengkey dakel se salà ininang tadon, labi pa dakel se tabang te Timanem kenitadon.

Roma 8:9

Meneng kenà kaw den egbeyà-beyaan te medaet ibeg te pedowan niyo, so egbeyà-beyaan kaw den te Espiritu Santo eg-ogpà kidoen te pedowan niyo. Aw doen otaw wedad Espiritu Santo diyà kandin insogò i Cristo, yan se otaw wedà pegpesakop diyà ki Cristo.

Efeso 1:23

so iling kidon te lawa i Cristo. Tandà te pegpesakop tadon diyà kandin, wedad kolang diyà kandin, aw wedad heman kolang doton te langit aw dini heman te lanto te tanà tandà te peglowan din diyà te kedita niyan.

Efeso 3:19

Ibeg ko metaga-taga kaw te egkedekelan kaw i Cristo te pedowan, pengkey eked tadon ontò kelebeti se kedakel te pedowan din. Aw metaga-taga kaw te egkedekelan kaw i Cristo te pedowan, kinewaen niyo se kedakel te ibegay te Timanem diyà kenyo lamig mesikop kaw onawa te pegkesikop din.

Kolasas 1:19

so lekat te ibeg te Timanem, ontò kitaen se ketanem te Timanem diyà ki Cristo.

Kolasas 2:3

Si Cristo se kelekatan te kedakel te kebiyasa tepad te Timanem.

1 Pedro 1:11

Gebii, ingkeliwat dan se kagi te Timanem te doen kelimahan domateng diyà ki Cristo, aw penga niyan ipelangkaw sikandin, so impeikagi dan te Espiritu Santo. Migpekeaseb dan amon metaga-taga dan peden aw kano iyan ketoman aw menonen se pegketoman niyan.

1 Pedro 1:2

Pineokit te ibeg te Timanem Amay tadon gebii, pinemallì kaw din aw ininang kaw din egpenimanem pineokit te tabang te Espiritu Santo amon meketolò kaw ki Jesu Cristo, so pineokit te dipanog din, lininisan kaw den lekat te salà. Ibeg ko, labi kaw pa tebangan te Timanem, aw labi pa melinaw se pedowan niyo.