Juan 1:11 - Manobo Sarangani

¹¹ Pengkey dimoton te ogpeanan te kandin kedomaan, meneng wedà dan pegsagman kandin.

Juan 1:11 ပူးပေါင်းရင်းမြစ်များ

Mat. 15:24

Minikagi si Jesus, “Olò menge bowad-bowad i Israel se sinogoan kanak tebangan ko, so iling dan te menge karniro migketading.”

Luc. 19:14

Nayan, se doma otaw eg-ogpà kidoen te lonsod sìyan, wedà dan keibeg aw meinang sikandin selotan lomowan diyà kandan. Penga te pegkesayo din, doen otaw insogò dan mikagi diyà te gobirno te eked dan keibeg aw otaw sìyan se lomowan diyà kandan.

Juan 1:10

Dimini si Jesus te keneyonan, meneng pengkey ininang te Timanem se kedita dini te keneyonan pineokit kandin, wedà sikandin kilelai te menge otaw.

Juan 1:12

Meneng pengkey sinu se migsagman kandin aw nemenal kandin, yan se otaw mepakay meinang menge batà te Timanem.

Juan 19:27

Penga niyan, minikagi heman si Jesus diyà te sìyan tinoledaan din, “Sìyà den se inay nikaw.” Lekat te aldaw sìyan, impeogpà te tinoledaan sìyan se inay i Jesus kidoen te balay din.

Juan 3:32

Eg-indan sikandin te benal kinità din aw dinineg din kidoen te langit, meneng pilabok se egpenenalan te kagi din.

Ininang 13:26

“Penenalan kaw menge kedowa ko, menge bowad-bowad te kemonaan tadon si Abraham, aw kedita niyo egtolò te Timanem. Sikitadon se pinetega-tegahan te Timanem te doen den kelowaan lekat te salà.

Ininang 13:46

Meneng wedà pegketalaw si Pablo aw si Bernabe, so timaba dan, “Keilangan sikiyo Judiyo se onà day indanan te kagi te Timanem. Meneng wedà kaw penenalan kenyan so eked kaw keibeg te kaling pedowan wedad temanan ibegay te Timanem. Doun niyan, meg-indan kay den te kagi te Timanem diyà te menge doma otaw kenà Judiyo.

Ininang 21:6

Migsiolì dan doton te balay dan, aw simakay kay te belangay.

Roma 15:8

Ipeaneng-aneng ko den kenyo te insogò te Timanem si Cristo diyà kenami menge Judiyo amon ipetaga-taga din te ontò keseligan se kagi te Timanem, so tinoman i Cristo se impakang te Timanem diyà te menge kemonaan day gebii.

Roma 9:1

Nayan, doen den ipetaga-taga ko kenyo seini. Ontò iyan benal, so migpesakop a diyà ki Cristo. Netegahan ko te kenà kebolalaw se kagi ko kenyo seini, so egbeyà-beyaan a te Espiritu Santo.

Roma 9:5

Nedengeg se menge kemonaan dan pinemallì din gebii. Pegpekeotaw te Misiyas, timebaw sikandin diyà te kandan pongan. Sikandin se Timanem eglowan diyà te kedita. Iduyun sikandin te wedad temanan. Metoman iyan.

Galasya 4:4

Meneng pegdateng te aldaw tapay pinemallì te Timanem, insogò din dini te keneyonan se Batà din aw impekeotaw din amon pineokit kandin inangen kidon menge batà te Timanem. Insogò si Jesus doton te menge Judiyo aw ontò timolò te punù ingkeliwat i Moises amon ipelowà din se menge otaw egtolò te punù sìyan.