Juan 1:1 - Manobo Sarangani

¹ Gebii te wedà pa inangi se keneyonan, tapay sikandin doen iningedanan Kagi te Timanem. Sikandin se doma te Timanem, aw sikandin heman se ontò Timanem.

Juan 1:1 ပူးပေါင်းရင်းမြစ်များ

Genesis 1:1

Diyà te keteboan te kedita, mig-inang se Timanem te langit aw keneyonan.

Mat. 1:23

“Na, meglaman se laga aw tomebaw se batà meama ingedanan ki Emmanuel.” (Se kelebadan niyan, “Dini den se Timanem doma kenitadon.”)

Luc. 24:53

Melikit dan egdoton te dakel simbahan te Jerusalem aw egduyun dan te Timanem kidoen.

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.

Juan 1:2

Lekat te ketebò te kedita, sikandin se doma te Timanem.

Juan 16:28

Insogò a din dini te keneyonan, aw mesayo a den lekat te keneyonan amon molì a doton te Amay ko.”

Juan 17:5

Nayan Amà, pekitai heman kidoen te langit te melangkaw a, iling te kelangkaw ko gebii te pegdoma ko kamno te wedà pa inangi se keneyonan.

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Juan 8:58

Minikagi si Jesus, “Eneng-enengi niyo se kagi ko. Te wedà pa tebaw si Abraham, tapay a den doen.”

Roma 9:5

Nedengeg se menge kemonaan dan pinemallì din gebii. Pegpekeotaw te Misiyas, timebaw sikandin diyà te kandan pongan. Sikandin se Timanem eglowan diyà te kedita. Iduyun sikandin te wedad temanan. Metoman iyan.

Efeso 3:9

Insogò a din amon ipetaga-taga ko diyà te kedita te otaw aw eden se tod te Timanem mig-inang te kedita. Wedà din petega-tegahi diyà te otaw gebii aw eden se tod din,

Filipos 2:6

Pengkey gayed onawa se pegkesawol i Jesus aw pegkesawol te Timanem, Meneng wedà din eneng-enengi te onawa sikandin te Timanem,

Kolasas 1:15

Nayan, si Jesu Cristo se migpekeotaw amon ipekità din kenitadon se kedita tepad te Timanem eked kitai. Ontò melangkaw si Cristo diyà te kedita ininang te Timanem,

Kolasas 1:17

Te wedad pa ininang, doen den tapay si Cristo. Timayod se ininang din lamig songkani, so sikandin se minawid te kedita diyà te belad din.

1 Timoteo 3:16

Netegahan te kedita tadon te ontò mèpiya se kebenalan impetaga-taga te Timanem aw pinemenalan tadon. Migpekeotaw si Jesu Cristo aw dimini te tanà. Impetaga-taga te Espiritu Santo te metòlid sikandin. Kinità sikandin te menge anghil. Inindanan se menge otaw kenà Judiyo tepad kandin. Doen otaw nemenal kandin doton te kebelad te tanà. Inengat sikandin doton te langit.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

Menge Hebreo 13:8

Eked palos ketodà si Jesu Cristo, so gayed sikandin onawa, pengkey gebii, pengkey songkani, pengkey te wedad temanan.

Menge Hebreo 7:3

Kidoen te kagi te Timanem insolat, wedà solati aw sinu se amay aw inay din. Wedà tadon heman ketegahi aw sinu se menge kemonaan din. Wedad heman insolat tepad te pegtebaw din aw tepad te pegkematay din. So iling te wedad netegahan tadon tepad te linekatan din aw detengan din, yan iling sikandin te Batà te Timanem wedad temanan te pegkagon din.

2 Pedro 1:1

Se solat seini lekat kanak si Simon, doma ngadan ko si Pedro. Sineligan a i Jesu Cristo aw ininang a sogounun din. Seini se solat ko diyà te kedita niyo simalig diyà ki Jesu Cristo. Sikandin se Timanem egpelowà kenitadon. Tandà te ketòlid din, ininang kaw din heman otaw simalig diyà kandin iling te pegsalig day diyà kandin.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

1 Juan 5:7

Eg-indan heman se Espiritu Santo te kebenalan sìyan so eked sikandin pegkebolalaw.

Impekità 1:11

Minikagi sikandin, “Solati se kitaen no, aw peibingi iyan doton te menge sakop te pito simbahan kidoen te Efeso, aw Ismirna, aw Pergamo, aw Tiyatira, aw Sardis, aw Filadelfya, aw Layodisiya.”

Impekità 1:17

Pegkità ko kandin, ontò a nelemitan aw limemlem a diyà te monà din. Wedà a pekeiwal so iling a te otaw nematay. Meneng pinemàdan a din te kowanan belad din aw impetindeg a din. Minikagi sikandin, “Ikà egkelemitan. Siaken se keteboan aw temanan te kedita.

Impekità 1:2

Simolat a den te kedita te kinità ko, aw eg-indan a kenyo te benal iyan kagi te Timanem aw impetaga-taga i Jesu Cristo.

Impekità 1:8

Eglowan se Pengolo tadon Timanem diyà te kedita, aw doen sikandin seini, aw gebii, aw modi heman aldaw. Yan se doun te minikagi sikandin, “Siaken se Alpa aw Omiga.” (Se kelebadan niyan, “Siaken se keteboan aw temanan te kedita.”)

Impekità 19:13

Iling te in-agem se saol din diyà te dipanog, aw egtewalen sikandin “Kagi te Timanem.”

Impekità 2:8

Minikagi heman sikandin, “Solat ka heman te anghil egtonggò te menge sakop te simbahan kidoen te Ismirna. Seini se kagi isolat nikaw. ‘Seini se kagi ko kenyo. Siak se keteboan te kedita, aw siak heman se temanan te kedita. Nematay a, aw neantay a heman lekat te nematay.

Impekità 21:6

Minikagi heman sikandin, “Netoman den se kedita. Siaken se Alpa aw Omiga, so siaken se gayed doen lekat te keteboan lamig te temanan. Aw melao se otaw, ipeinem ko dan kidoen te selep doen wayeg egpemegay te pedowan wedad temanan, aw eked ko heman iyan pebeyadi.

Impekità 22:13

Siaken se Alpa aw Omiga, siaken se keteboan aw temanan te kedita, so monà a pa diyà te kedita, aw modi a pa heman diyà te kedita.”

Impekità 3:14

Minikagi heman sikandin, “Solat ka heman te anghil egtonggò te menge sakop te simbahan kidoen te Layodisiya. Seini se kagi isolat nikaw. ‘Seini se kagi ko kenyo. Siak se ontò egkeseligan. Ontò benal se ipegtoladà ko. Siak se pengolo te kedita te ininang te Timanem.