Ininang 9:8 - Manobo Sarangani

⁸ Penga niyan, timindeg si Saulo. Meneng pegkebeka te mata din, wedà pekekità. Yan inewidan dan se belad din aw inagak doton te Damasko.

Ininang 9:8 ပူးပေါင်းရင်းမြစ်များ

Ininang 22:11

Wedà a pekekità tandà te anyag lekat te langit, meneng inagak a te doma ko pesalo doton te Damasko.

Ininang 9:18

Pegketà nedagdag se iling te onap lekat te mata i Saulo, aw yan kimità den sikandin. Penga niyan, binonyagan sikandin.

Ininang 13:11

Na, mebota ka te menamay-namay, so ipelumun ka den te Pengolo. Eked ka kità.” Pegketà nebota sikandin. Wedad kinità din. Yan migkawà-kawà sikandin nengemahà te doma otaw meg-agak kandin.

Genesis 19:11

Penga niyan, pineokit te tolos dan, ininang dan bota se kedita te otaw medapag te lelebangan, amon eked dan kità te lelebangan.

Genesis 14:15

Pegkedelem niyan, impeebong-ebong i Abram se menge sineligan din kidoen, aw limompak dan kandan, aw dimaeg dan kandan. Pig-alaw dan i Abram taman te lonsod te Hoba digsel te Damasko.

Ininang 9:9

Netelowan sikandin kidoen wedà pekekità aw wedad kinaen din aw ininem.

2 Korinto 11:32

Iindan ko se tepad te neokitan ko doton te lonsod te Damasko kedengan. Doen sebad gobirnador kidoen insawol te sebad selotan si Aretas. Insogò din se menge sondalo megbangan kanak doton te dalan amon dekepen a.

Galasya 1:17

Wedà a heman likò doton te Jerusalem amon toledaan a te menge otaw doton, sìyan ininang sogounun i Cristo monà diyà kanak. Meneng dimeleg a onà doton te kebigtilan iningedanan Arabya, aw penga niyan, limikò a heman doton te lonsod te Damasko.