Ininang 9:4 - Manobo Sarangani

⁴ Nekelangkeb sikandin diyà te tanà aw doen dinineg din minikagi, “E Saulo, nengà lay egpemilang ka kanak?”

Ininang 9:4 ပူးပေါင်းရင်းမြစ်များ

1 Korinto 12:12

Na, se lawa te otaw, pengkey medita se kemolò diyà te lawa, meneng sebad olò se lawa, so se kedita te kinemoloan niyan netibok diyà te sebad lawa. Iling heman te menge kemolò diyà te lawa se kedita tadon egpemenal, so pengkey medita kidon, meneng migsebad kidon diyà ki Cristo.

Roma 11:22

Pineokit kenyan, netegahan tadon den te doen otaw keidowan te Timanem, aw doen heman otaw ipelumun din. Ipelumun din se otaw nekesalà, meneng keidowan kaw din aw tomayod kaw tomaking kandin. Meneng aw lomengà kaw tomaking kandin, inangen kaw din heman iling te panga tinepò.

Genesis 22:11

Meneng timawal se anghil te Timanem diyà kandin lekat te langit, “E Abraham, Abraham.” Timaba sikandin, “Seini a.”

Genesis 16:8

Minikagi se anghil, “E Agar, allang i Sarai, kenan ka lay lekat, aw kenan ka lay pesalo?” Timaba si Agar, “Kimadas a den lekat te amo ko si Sarai.”

Efeso 5:30

so iling kidon te menge kinemoloan te lawa din.

1 Korinto 4:7

Kenà kaw melangkaw diyà te menge doma otaw, so se kedita te nekinawà niyo, yan se imbowang te Timanem kenyo. Aw lekat te Timanem se kedita, eked kepakay aw megpelangkaw-langkaw kaw, so kenà iyan lekat te kenyo pegkeotawun.

Juan 21:15

Penga te pegkaen dan, mig-insà si Jesus diyà ki Pedro, “Simon, batà i Juan, pengkey dakel se pedowan te menge doma no kanak, labi lay pa dakel se kamno pedowan kanak?” Timaba si Pedro, “Ee, Pengolo. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko.”

Mat. 25:40

Tomaba a, ‘Eneng-enengi niyo se kagi ko seini. Pineokit te peg-inang niyo kenyan diyà te ontò medanà otaw egtaking kanak, ininang niyo iyan diyà kanak.’

Genesis 3:9

Meneng timawal se Timanem diyà te meama, “Kenan ka lay?”

Juan 20:16

Minikagi si Jesus, “Maria.” Yan siminalo si Maria diyà kandin aw minikagi te kagi te Hebreo, “Raboni.” (Se kelebadan niyan, “Menenoladà.”)

Juan 18:6

Pegdineg dan te inikagi i Jesus te sikandin se inahà dan, migpeosos dan aw nekelias dan.

Luc. 10:41

Meneng timaba se Pengolo, “Tay law, Marta. Pelaban ka netetana tepad te medita eg-inangen nikaw.

Ininang 5:10

Pegketà nematay heman sikandin. Pegdateng te menge telaki doton, nematay den si Sapira. Yan kinelalang dan heman se lawa din doton te lowà, aw inlebeng dan diyà te tangkil te lebeng te esawa din.

Ininang 9:5

Mig-insà si Saulo, “Sir, sinu ka lay?” Yan timaba se Pengolo, “Siaken si Jesus se egpemilangen nikaw.