Ininang 9:3 - Manobo Sarangani

³ Pegkedapag din doton te Damasko, pegketà nesogatan sikandin te anyag lekat te langit.

Ininang 9:3 ပူးပေါင်းရင်းမြစ်များ

1 Korinto 15:8

Siaken se temanan modi kimità kandin, pengkey wedad palos migpeliman te pegpemenal ko.

Ininang 22:6

Meneng sagwa agpet den alas dosi, aw medapag a den doton te Damasko, pegketà nesogatan a te anyag lekat te langit.

Impekità 21:23

Wedad heman kekemowan te senang te aldaw aw bolan kidoen, so egsenangan dan te lowa te Timanem, aw Karniro se solò dan kidoen.

1 Timoteo 6:16

Sikandin olò se eked palos kematay. Eg-ogpà sikandin diyà te ontò kelowahan eked kedepagi te otaw. Wedad palos otaw kimità kandin, aw eked palos sikandin kitai te otaw. Iduyun aw lomowan sikandin te wedad temanan. Metoman iyan.

Impekità 22:5

Wedad delem kidoen, aw wedad kekemowan dan te solò aw aldaw kidoen, so keenyagan dan te Timanem Pengolo dan. Lomowan dan doma te Timanem te wedad temanan.

Ininang 9:17

Penga niyan, dimoton si Ananias te balay inogpaan i Saulo. Peg-awop din, pinemàdan din si Saulo aw minikagi, “Kedowa ko, insogò a te Pengolo si Jesus, sìyan migpekità diyà kamno doton te dalan. Insogò a din dini kamno amon todà ka komità, aw amon domateng se Espiritu Santo kamno.”

Ininang 9:27

Meneng inibing i Bernabe si Saulo doton te menge sogounun i Cristo. Mig-indan sikandin diyà kandan tepad te pegpekità aw peg-ikagi te Pengolo diyà kandin doton te dalan. In-indan din heman kandan te wedà pegketalaw si Saulo te peg-indan din tepad ki Jesus doton te Damasko.

1 Korinto 9:1

Siaken, mepakay a peden memallì te inangen ko, so siaken se sogounun i Cristo, aw kinità ko se Pengolo tadon si Jesus, aw sikiyo se nemenal kandin pineokit te pegtoladà ko.