Ininang 9:16 - Manobo Sarangani

¹⁶ Ipetaga-taga ko kandin te doen kelimahan domateng diyà kandin tandà te pegtaking din kanak.”

Ininang 9:16 ပူးပေါင်းရင်းမြစ်များ

1 Tesalonika 3:3

so ibeg day wedad lomengà kenyo te pegpemenal tandà te pegpemilang egdateng kenitadon. Netegahan niyo te yan se pinemallì te Timanem amon okitan tadon.

Ininang 21:11

Peglegeana din kenami, inabat din se elen i Pablo aw in-iket din diyà te kandin benis aw belad, aw minikagi sikandin, “Seini se inikagi te Espiritu Santo. Iling kani iketan te menge Judiyo kenà egpemenal se tig-apò te elen seini doton te Jerusalem. Ibegay dan sikandin diyà te belad te menge otaw kenà Judiyo.”

2 Korinto 6:4

Pengkey eden se inangen ko, ipekità ko te metòlid se keogpà ko, so keilangan metòlid se eg-inangen te menge otaw insogò te Timanem. Impekità ko den iyan pineokit te pegtayod ko te menge kelimahan.

Juan 15:20

Eneng-enengi niyo se inikagi ko diyà kenyo kedengan. Wedad sineligan labi pa melangkaw diyà te amo din. Aw nemilang se menge doma otaw kanak, memilang dan heman kenyo. Aw timolò dan te kanak toladà, tomolò dan heman te kenyo toladà.

1 Pedro 4:14

Aw tompuyusen kaw tandà te pegtaking niyo ki Cristo, keilangan meluba kaw, so egbeyà-beyaan kaw te Espiritu Santo melangkaw.

2 Timoteo 1:12

aw yan se doun te egpemilangen a songkani. Meneng kenà a egkeyàyà, so netegahan ko aw sinu se sineligan ko. Netegahan ko te mekebatog sikandin meg-ipat kanak dalem te pegtoman ko te insalig din kanak lamig te aldaw te peg-okom din.

Mat. 5:11

“Doen keluba te kedita niyo egtompuyusen tandà te pegtaking niyo kanak, pengkey egpemilangen kaw, pengkey bàtan-bàtan kaw.

Mat. 24:9

“Yan kebensihan kaw te keditaan te otaw tandà te pegpesakop niyo diyà kanak, aw dekepen kaw dan amon ipeeleg kaw aw imetayan kaw dan.

2 Timoteo 3:11

aw pegpemilang kanak, aw kelimahan ko. Netegahan no se kedita neinang kanak kedengan doton te Antyokya aw Ikonyo aw Listra, aw eden se pemilang dimateng kanak. Meneng impelowà a te Pengolo tadon lekat te kedita niyan.

Ininang 21:4

Netelaan day se menge doma otaw egpemenal kidoen, aw mig-ogpà kay kidoen kandan te sebad simana. Ingkeliwat dan ki Pablo se kagi te Espiritu Santo te eked sikandin kepakay domoton te Jerusalem.

Impekità 1:9

Siak si Juan se simolat kani, kedowa niyo te pegpemenal. Iling a kenyo, so medalem heman se pedowan ko te pegtayod ko te pegpemilang dimateng kanak, so siak heman se migpesakop diyà te peglowan te Timanem. Impelumun a te gobirno aw impeibing a doton te polò iningedanan Patmos tandà te pegkeliwat ko te kagi te Timanem aw kebenalan intoladà i Jesu Cristo.

Ininang 9:14

Dimini heman sikandin te Damasko nengibing te papil sinolatan te menge pengolo te simbahan te Jerusalem te mepakay sikandin mekedakep te kedita te otaw egtawal-tawal diyà kamno.”

Ininang 9:6

Tindeg ka aw deleg ka doton te Damasko. Indanan ka aw eden se inangen nikaw.”

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Ininang 21:13

Meneng minikagi si Pablo, “Ikà niyo egkelag. Ikà niyo egpemegay te lidò diyà te pedowan ko, so wedad beloyan aw iketan a doton te Jerusalem. Wedad heman beloyan aw imetayan a tandà te pegsalig ko diyà te Pengolo tadon si Jesus.”