Ininang 9:13 - Manobo Sarangani

¹³ Minikagi si Ananias, “Sir, medita se otaw mig-indan kanak te ontò medaet se eg-inangen din diyà te menge otaw sinakop te Timanem doton te Jerusalem.

Ininang 9:13 ပူးပေါင်းရင်းမြစ်များ

Ininang 8:3

Nemilang si Saulo te menge otaw egpemenal, aw timeped te menge balay dan amon dekepen din dan aw kelebosowen, pengkey meama aw bayi.

Ininang 9:1

Nayan, dalem niyan, gayed egkeopal si Saulo aw egbentakan din se kedita te otaw egpemenal te Pengolo. Dimoton sikandin te ontò pengolo te simbahan te Jerusalem,

Roma 16:15

Eg-aneng-aneng a heman ki Filologo, si Julia, si Nereo aw etebay din, aw si Olimpas aw kedita te doma dan menge sakop te Timanem.

Roma 16:2

Aw domateng sikandin doton kenyo, pegsagman kaw kandin tandà te pegsalig din diyà te Pengolo tadon, so yan se keilangan inangen tadon menge sakop te Timanem. Aw doen kelidoan din, pegtabang kaw kandin, so medita se doma otaw tinebangan din, pengkey siaken, tinebangan a din heman.

Roma 15:31

Pemoyò kaw diyà kandin te eked a peelegi te menge otaw kenà egpesakop diyà ki Cristo doton te Judiya. Pegtawal-tawal kaw heman te megpesiontong se menge sakop te Timanem doton te Jerusalem tandà te peg-ated ko te kwarta itabang kandan.

Roma 1:7

Seini se solat ko diyà te kedita niyo doton te lonsod te Roma. Nedekelan kaw te Timanem te pedowan, aw tinawal kaw din amon meinang kaw menge sakop din. Ibeg ko tebangan kaw te Timanem Amay tadon aw Pengolo tadon si Jesu Cristo, aw begayan kaw dan te kelinaw te pedowan.

Ininang 22:4

Yan se doun te nemilang a te otaw egpemenal ki Jesus aw inimetayan ko dan, so eden ko aw yan se ibeg te Timanem. Doen heman dinakep ko aw kineleboso ko, pengkey meama aw bayi.

Ininang 9:32

Miglegeb si Pedro doton te medita lonsod aw doton heman te menge sakop te Timanem kidoen te Lida.

Mat. 10:16

“Nayan, peg-ahà kaw amon eked kaw pemilangi te menge mededaet otaw, so iling kaw te ayam-ayam karniro binenganan te menenanap te kebenesan iningedanan lobo. Yan keilangan ontò kaw megpekebiyasa, aw keilangan wedad palos inangen niyo medaet.

Ininang 9:21

Nepela se kedita te otaw nenenalan kandin, aw migpebelaw-belaway dan, “Sikandin indà se egpemilang te menge otaw egpemenal doton te Jerusalem. Dimini ekon heman amon dekepen din se menge otaw egpemenal ki Jesus, aw ibingen din dan doton te Jerusalem amon kelebosowen te menge pengolo te simbahan te Judiyo.”

Ininang 9:41

Pinemàdan i Pedro se belad din aw yan impetindeg din. Penga niyan, tinawal i Pedro se menge bayi balo sipat menge doma sakop te Timanem, aw kinità dan si Dorcas neantay lekat te nematay.

1 Korinto 1:2

Seini se solat ko diyà te kedita niyo menge sakop te Timanem kidoen te Korinto. Egpenimanem kaw so migsebad se pedowan niyo diyà ki Jesu Cristo, aw tinawal kaw te Timanem amon inangen kaw din sakop din sipat kedita te doma otaw egpemenal te Pengolo tadon si Jesu Cristo, pengkey doton te menge doma ogpeanan, so sikandin se Pengolo dan heman.

1 Korinto 6:5

Keilangan meyàyà kaw kenyan, so iling te wedad den otaw doen inenengen doton kenyo meg-osay te menge otaw egpemenal.

1 Korinto 14:33

so kenà lekat te Timanem se belisì, meneng sikandin se kelekatan te kelinaw te pedowan. Iling te ketanem te kedita te sakop te Timanem egsimba doton te teg sebad-sebad lonsod,

1 Korinto 16:1

Nayan, tepad te kwarta ibegay niyo itabang te menge kedowa tadon sakop te Timanem doton te Jerusalem, taking kaw heman te impunù ko diyà te menge otaw egsimba doton te probinsya te Galasya.

Efeso 1:1

Se solat seini lekat kanak si Pablo. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo sinakop te Timanem aw gayed egsalig diyà ki Jesu Cristo.

Filipos 1:1

Seini se solat ko, si Pablo, doma ki Timoteo, didowa kay insogò i Jesu Cristo. Seini se solat day te kedita niyo menge sakop te Timanem kidoen te lonsod te Filipos. Simolat kay heman te menge egpengibing kenyo aw menge doma opisyal te simbahan.

Filipos 4:22

Pengkey kedita te menge sakop te Timanem dini, aw labi pa se menge otaw egterbaho doton te balay te selotan, ibeg te kedita dan metaga-taga kaw te eg-aneng-aneng dan kenyo.

Kolasas 1:2

Seini se solat day te kedita niyo menge sakop te Timanem doton te lonsod te Kolosas. Sikiyo se menge kedowa day te pegpemenal aw egkeseligan. Ibeg day, tebangan kaw te Timanem, aw begayan kaw din heman te kelinaw te pedowan niyo.

Menge Hebreo 13:24

Indani niyo se kedita te egpengibing te simbahan aw kedita te doma niyo sakop te Timanem te eg-aneng-aneng a heman kandan. Ibeg te menge tege Italya, metaga-taga kaw heman te eg-aneng-aneng dan kenyo.

Judas 1:3

Menge kedowa ko egkedekelan ko te pedowan, pengkey ontò dakel se ibeg ko somolat kenyo tepad te pegpelowà te Timanem te kedita tadon lekat te salà, meneng keilangan somolat a den kenyo te megpekagsen kaw te pegpemenal amon eked kaw dàgi te otaw meibeg peden megtodà te ontò kebenalan. Imbegay iyan te Timanem diyà te menge sakop din, aw eked iyan kepakay todaen.