Ininang 8:7 - Manobo Sarangani

⁷ Doen menge bosaw migpuypuy aw impelowà din lekat te otaw. Pinegolian din heman se menge otaw kenà egpekeiwal aw doma otaw kapig.

Ininang 8:7 ပူးပေါင်းရင်းမြစ်များ

Mat. 10:1

Nayan, tinawal i Jesus se sempolò teg dowa tinoledaan din, aw imbegay din diyà kandan se tolos amon megpelowà dan te bosaw lekat te otaw, aw amon megpegolì dan te kedita te otaw doen mesakit.

Ininang 5:16

Dimoton te Jerusalem se medita otaw tikedo te menge doma lonsod medapag kidoen. Nengibing dan te menge otaw doen mesakit aw doma otaw pigdetengan te bosaw. Negolian se kedita te otaw nesekitan, aw impelowà se bosaw lekat te doma.

Menge Hebreo 2:4

Pineokit te menge kepelahan aw menge inang din metolos, impetaga-taga heman te Timanem te keseligan se kagi din ingkeliwat dan. Lekat te kandin ibeg, inteped din heman kandan se menge kemolò te kebiyasa ipegpemegay te Espiritu Santo.

Juan 14:12

“Eneng-enengi niyo se kagi ko kenyo. Se otaw memenal kanak, iling heman te eg-inangen ko se inangen din, aw labi pa dakel se inangen din, so mesayo a den aw molì a doton te Amay ko.

Luc. 10:17

Nayan, penga te peg-olì te kepitowan teg dowa tinoledaan insogò i Jesus doton te kedita te lonsod, neluba dan, aw minikagi dan, “Pengolo, pengkey bosaw nebatog day impelowà pineokit te pegtawal day te ngadan nikaw.”

Mar. 9:26

Penga niyan, migpuypuy se bosaw, aw ontò din impekeseg se batà, aw penga niyan limowà. Iling te wedad pedowan te batà, aw minikagi se keditaan te otaw, “Nematay den sikandin.”

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.

Ininang 8:6

Migsebad se menge otaw nenenalan kandin, so dinineg dan se intoladà din, aw kinità dan se kepelahan ininang din.