Ininang 8:5 - Manobo Sarangani

⁵ Dimoton si Felipe te sebad lonsod doton te Samarya. Migtoladà sikandin te otaw kidoen te si Jesus se Misiyas insogò te Timanem.

Ininang 8:5 ပူးပေါင်းရင်းမြစ်များ

Ininang 6:5

Pegdineg te kedita te otaw egpemenal kenyan, aneng-aneng dan, mèpiya iyan inangen. Yan pinemallì dan si Esteban, so egpemenal sikandin diyà te Timanem te kedakel te pedowan din, aw egbeyà-beyaan heman te Espiritu Santo. Se doma otaw pinemallì dan, yan si Felipe, aw si Procoro, aw si Nicanor, aw si Timon, aw si Parmenas, aw si Nicolas tege Antyokya timolò te ketanem te menge Judiyo pengkey kenà sikandin Judiyo.

Ininang 21:8

Keeldawan niyan, nesayo kay pesalo doton te Sesarya. Pegtenà day, dimeleg kay doton te balay i Felipe aw mig-ogpà kay kidoen. Si Felipe se sebad diyà te pito otaw migtelaban te menge sogounun i Cristo doton te Jerusalem. Sikandin heman se menenoladà te kagi te Timanem.

Ininang 8:40

Meneng kenan si Felipe, doton den te lonsod te Asoto. Pengkey kenan pesalo, gayed sikandin migtoladà te Mèpiya Indan tepad ki Cristo kidoen te kedita te lonsod inokitan din lamig dimateng doton te Sesarya.

1 Korinto 3:11

Se pinetindegan te balay insawol ko, yan olò si Jesu Cristo. Wedad doma petindegan mepakay isawol kidoen te balay ipeinang te Timanem.

1 Korinto 1:23

Meneng se ipegtoladà day, yan se kebenalan tepad ki Cristo inlansang diyà te kros, pengkey egkebensi se menge Judiyo kenyan, aw eg-aneng-aneng se menge Griego te wedad ontong niyan.

Ininang 5:42

Migtoladà dan pa aw migkeliwat te kagi te Timanem, pengkey doton te dakel simbahan, aw doton te menge balay. Kelikit te aldaw, migtoladà dan te si Jesus se Misiyas insogò te Timanem.

1 Korinto 2:2

so ibeg ko, sebad olò se itoladà ko kenyo, yan si Jesu Cristo aw pegkematay din kidoen te kros.

Ininang 9:20

Wedà kenamay, dimoton si Saulo te simbahan te Judiyo aw migtoladà diyà te otaw kidoen te si Jesus se Batà te Timanem.

Ininang 8:1

Tinandù i Saulo se pegpengimatay dan ki Esteban. Inlebeng te menge otaw egpenimanem se lawa din. Ontò dan migkelag tandà te lano dan kandin. Lekat te aldaw te pegkematay i Esteban, ontò pinemilang se kedita te otaw egpemenal doton te Jerusalem. Yan nesayo dan aw migbilit-bilit dan doton te menge lonsod te Judiya aw Samarya. Meneng mig-ogpà pa se menge sogounun i Cristo doton te Jerusalem.

Ininang 1:8

Meneng ikà niyo egkelibel kani. Aw domateng se Espiritu Santo kenyo, ketebangan kaw din amon meg-indan kaw tepad kanak doton te Jerusalem, aw kidoen heman te kedita te ogpeanan te Judiya aw Samarya, aw pengkey taman te kebelad te keneyonan.”

Ininang 8:6

Migsebad se menge otaw nenenalan kandin, so dinineg dan se intoladà din, aw kinità dan se kepelahan ininang din.

Ininang 8:26

Migpekità se anghil te Timanem diyà ki Felipe. Minikagi sikandin, “Doton ka te dalan lekat te Jerusalem pesalo doton te Gasa. Yan se dalan kidoen te kebigtilan.”

Ininang 8:30

Kimagnan si Felipe, aw dinineg din se tege Etyopya migbasa te libro insolat te telekeliwat te kagi te Timanem gebii si Isaias. Mig-insà si Felipe, “Nekelabet ka lay te binasa no?”