Ininang 8:14 - Manobo Sarangani

¹⁴ Pegketaga-taga te menge sogounun i Cristo doton te Jerusalem te nemenal se tege Samarya te kagi te Timanem, insogò dan si Pedro aw si Juan domoton te Samarya amon megtelaban kandan.

Ininang 8:14 ပူးပေါင်းရင်းမြစ်များ

1 Tesalonika 3:2

aw yan insogò day si Timoteo doton kenyo. Sikandin se kedowa tadon sineligan heman te Timanem te pegtoladà te Mèpiya Indan tepad ki Cristo. Insogò day sikandin meg-antag te pedowan niyo amon melobos se pegtaking niyo te Timanem,

1 Tesalonika 2:13

Gayed kay heman egpesiontong diyà te Timanem tepad kani. Pegtoladà day kenyo te kagi te Timanem, nemenal kaw kenyan, so netegahan niyo te kenà iyan olò kagi te otaw, meneng ontò benal kagi te Timanem. Pineokit te kagi te Timanem, doen eg-inangen din diyà te kedita niyo egpemenal.

Galasya 2:9

Si Santiago, si Pedro, aw si Juan ekon se melangkaw diyà te kedita dan menge sogounun i Cristo. Mig-aneng-aneng dan te insogò a te Timanem. Migsebad se pedowan te kedita day menge sogounun i Cristo te mèpiya aw yan se inangen day si Bernabe se megtoladà te menge otaw kenà Judiyo, aw yan se kandan inangen se megtoladà te menge Judiyo. Yan migpeelimenoway kay doton, so migsebad se pedowan te kedita day kenyan.

Ininang 8:1

Tinandù i Saulo se pegpengimatay dan ki Esteban. Inlebeng te menge otaw egpenimanem se lawa din. Ontò dan migkelag tandà te lano dan kandin. Lekat te aldaw te pegkematay i Esteban, ontò pinemilang se kedita te otaw egpemenal doton te Jerusalem. Yan nesayo dan aw migbilit-bilit dan doton te menge lonsod te Judiya aw Samarya. Meneng mig-ogpà pa se menge sogounun i Cristo doton te Jerusalem.

2 Tesalonika 2:10

Medita kemolò se medaet inangen din amon ekalan din se menge otaw detengan te mekebebaet. Pegbàtan dan so wedad ibeg dan memenal te kebenalan mekepelowà peden kandan.

Ininang 17:11

Kenà iling te tege Tesalonika se menge otaw doton te Berya, so ontò measeb se tege Berya egpenenalan te kagi te Timanem. Kelikit te aldaw, migbasa dan te kagi te Timanem insolat amon ketegahan dan aw benal se intoladà i Pablo.

Ininang 15:4

Pegdateng dan doton te Jerusalem, sinagman dan te menge otaw egpemenal, aw menge egpengibing te simbahan, aw menge sogounun i Cristo. Penga niyan, mig-indan si Pablo aw si Bernabe te kedita te ininang te Timanem pineokit kandan.

Ininang 11:1

Nayan, nedengeg se pegpemenal te menge otaw kenà Judiyo te kagi te Timanem. Netegahan iyan te menge sogounun i Cristo aw doma otaw egpemenal doton te Judiya.

Ininang 2:41

Penga niyan, binonyagan dan se menge otaw nemenal te inikagi i Pedro. Doen menge telo melalan otaw nemenal te Timanem te aldaw sìyan, aw nekeakop dan diyà te otaw tapay nemenal.

Juan 12:48

Meneng se otaw eked pemenal kanak aw eked heman tolò te kebenalan intoladà ko, yan se metoman ipelumun te temanan aldaw pineokit te kagi intoladà ko wedà din toloi.

Luc. 22:8

Simogò si Jesus ki Pedro aw si Juan, kagi din, “Peg-inang kaw den te kànen tadon te Pista te Pegpelowà.”

Mat. 13:23

Meneng se benì nesabog diyà te melambò tanà, yan se iling te otaw domineg te kagi te Timanem, aw mekelabet kenyan. Doen ontong din iling te intanem mongo te ginatos, aw keneman aw ketlowan.”