Ininang 8:12 - Manobo Sarangani

¹² Meneng pegtoladà i Felipe kandan tepad te peglowan te Timanem aw si Jesu Cristo, nemenal dan aw binonyagan dan heman, pengkey meama aw bayi.

Ininang 8:12 ပူးပေါင်းရင်းမြစ်များ

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

Mat. 28:19

Yan isogò ko den sikiyo doton te kebelad te keneyonan. Pegtoladà kaw te kedita te otaw amon tomaking dan kanak. Pemonyagi niyo dan diyà te ngadan te Timanem Amay, aw Batà din, aw Espiritu Santo.

1 Pedro 3:21

Yan se pengilala tepad te pegpebonyag niyo, so impelowà kaw lekat te salà kenà tandà te peg-onaw te lawa niyo amon meabat se osing, meneng tandà te pegpemoyò niyo te Timanem te ebaten din se salà lekat te pedowan niyo. Impelowà kaw lekat te pelumun pineokit te pegkeantay i Jesu Cristo lekat te nematay.

Ininang 2:41

Penga niyan, binonyagan dan se menge otaw nemenal te inikagi i Pedro. Doen menge telo melalan otaw nemenal te Timanem te aldaw sìyan, aw nekeakop dan diyà te otaw tapay nemenal.

Galasya 3:28

Diyà te kedita niyo egpemenal, wedad den elet diyà te menge Judiyo aw kenà Judiyo. Wedad heman elet diyà te allang aw otaw kenà allang. Wedad heman elet diyà te meama aw bayi. Mig-onawa kaw den diyà te Timanem, so migsebad den se pedowan te kedita niyo diyà ki Jesu Cristo.

Roma 10:10

Aw melobos se pedowan tadon te pegsalig tadon diyà ki Cristo, yan eneng-enengen te Timanem te metòlid kidon. Aw meg-indan kidon te menge doma otaw te benal simalig kidon den diyà ki Jesu Cristo, yan ipelowà kidon din lekat te pelumun din.

1 Korinto 11:11

Meneng eked kepakay diyà te Pengolo aw eked pegpetebangay se meama aw bayi.

Ininang 28:31

Migtoladà sikandin te kebenalan tepad te Pengolo si Jesu Cristo aw tepad te peglowan te Timanem. Wedà pegketalaw te pegtoladà din, aw wedad heman otaw mig-anggà kandin.

Ininang 20:25

Lamig seini, miglegeb a amon megtoladà a kenyo tepad te peglowan te Timanem. Meneng mesayo a den, aw eked a den palos likò dini.

Ininang 20:21

Mig-indan a te benal diyà te kedita niyo, pengkey Judiyo aw kenà Judiyo. Migpunù a kenyo te megselsel kaw diyà te Timanem aw memenal kaw diyà te Pengolo tadon si Jesu Cristo.

Ininang 18:8

Se egpengibing te simbahan te Judiyo si Crispo, nemenal te Pengolo sipat kedita te otaw eg-ogpà diyà te balay din. Nemenal heman se medita doma otaw doton te Korinto aw binonyagan dan.

Ininang 11:20

Meneng doen menge otaw egpemenal tege Sipro aw tege Sirene dimoton te Antyokya, aw migtoladà dan heman tepad ki Jesus diyà te menge otaw kenà Judiyo.

Ininang 5:14

Migkedita se otaw nemenal diyà te Pengolo. Doen meama aw bayi heman nekeakop diyà te otaw egpemenal ki Jesus.

Luc. 9:60

Meneng minikagi si Jesus, “Mèpiya aw otaw wedad kaling pedowan se meglebeng te menge doma dan nematay. Meneng aw doen kaling pedowan no, keilangan megtoladà ka den te doma otaw tepad te peglowan te Timanem.”

Luc. 9:2

Penga niyan, insogò din dan tomeped te menge doma ogpeanan amon megtoladà dan tepad te peglowan te Timanem aw amon megpegolì dan te otaw doen mesakit.

Ininang 8:4

Pegkebilit te otaw egpemenal, migtoladà dan te menge doma otaw tepad ki Jesus pengkey kenan dan pesalo.

Ininang 19:5

Pegdineg dan kenyan, nemenal dan diyà te Pengolo si Jesus aw binonyagan dan.