Ininang 7:8 - Manobo Sarangani

⁸ Penga niyan, migpunù se Timanem te keilangan tolien si Abraham aw kedita te bowad-bowad din meama amon eked dan kelibeli se impakang te Timanem kandan. Yan pegkepenga te sebad simana lekat te pegtebaw te batà din si Isaac, tinolì din. Iling kenyan, tinolì i Isaac se batà din si Jacob. Nenolì heman si Jacob te sempolò teg dowa batà din meama. Sikandan se kemonaan tadon.

Ininang 7:8 ပူးပေါင်းရင်းမြစ်များ

Ininang 2:29

“Menge kedowa ko, ontò ko bengalen se kagi ko kenyo. Sìyan inikagi te kemonaan tadon gebii si David, kenà iyan tepad te kandin pegkeotawun, so nematay sikandin aw inlebeng se lawa din doton te ilib inewangan, aw penga niyan neledak. Kidoen pa se linebengan kandin lamig songkani.

Genesis 35:16

Nesayo si Jacob aw pamilya din, aw dimeleg dan. Te wedà dan pa dateng doton te Efrata, dimateng se aldaw te tebawan si Raquel, aw ontò sikandin nelimahan.

Menge Hebreo 7:4

Yan netegahan tadon te ontò melangkaw si Melkisedec, so sikandin se binegayan te kemonaan tadon si Abraham te ikesempolò ketengà te kedita neabat din lekat te menge otaw dinaeg din.

Galasya 3:17

Seini se kedegdagan te insolat ko. Doen pakang te Timanem ki Abraham. Pegkepenga te epat gatos ketlowan se omay, impesolat te Timanem se punù ingkeliwat i Moises diyà te kedita te Judiyo. Pengkey doen punù imbegay te Timanem ki Moises, meneng eked palos pegkewedad se impakang te Timanem ki Abraham. Eked kepakay aw wedad ketomanan te impakang din sìyan.

Galasya 3:15

Menge kedowa ko, aw doen otaw megpakang diyà te sebad otaw te doen ibegay din kandin, wedad doma otaw mepakay megtodà te pakang sìyan, aw wedad heman otaw mekebatog megwedad kenyan.

Roma 4:10

Yan se neinang kandin kenà penga te pegtolì kandin, meneng neinang iyan te wedà pa tolii.

Juan 7:22

Gebii, migpunù si Moises te keilangan tolien se dedeitek batà niyo meama. Pengkey yan se impunù din, meneng olò din ingkeliwat se ketanem tapay pa tinekingan te kemonaan tadon gebii. Yan keilangan tolien se batà niyo pengkey aldaw te peg-etod.

Mat. 1:2

Si Abraham se amay i Isaac. Si Isaac se amay i Jacob. Si Jacob se amay i Juda aw menge kedowa din.

Genesis 35:18

Penga niyan, nebogtò se pedowan din aw nematay sikandin. Te wedà pa sikandin kematay, iningedanan din se batà din ki Ben-oni (kelebadan niyan, batà te kelimahan). Meneng iningedanan sikandin i Jacob ki Benjamin (kelebadan niyan, batà melangkaw).

Genesis 29:31

Pegketaga-taga te Timanem te deitek se pedowan i Jacob diyà ki Lea, impebatà din si Lea. Meneng wedà beling peglaman si Raquel.

Genesis 30:5

miglaman si Bilha, aw tinebawan sikandin te batà meama.