Ininang 7:2 - Manobo Sarangani

² Timaba si Esteban, kagi din, “Menge kedowa aw emayen ko, penenalan kaw kanak. Gebii pa te peg-ogpà i Abraham doton te Mesopotamya, te wedà pa alin doton te Haran, migpekità se Timanem diyà kandin lekat te langit.

Ininang 7:2 ပူးပေါင်းရင်းမြစ်များ

Genesis 11:31

Impetaking i Tera se batà din si Abram, aw ogangan din si Sarai esawa i Abram, aw apò din si Lot batà i Haran. Nesayo dan lekat te lonsod te Ur doton te Caldea, aw migpesalo dan doton te Canaan. Meneng pegdateng dan doton te Haran, mig-ogpà dan kidoen.

Genesis 12:1

Nayan, minikagi se Timanem diyà ki Abram, “Tanan ka den te tanà inogpaan no seini. Tanan ka den heman te menge kedomaan nikaw aw pamilya te amay nikaw. Doton ka den te ogpeanan tedoan ko kamno.

Genesis 12:5

Impetaking i Abram se esawa din si Sarai, aw anak din si Lot, aw inibing din se kedakel te kedònan aw kedita te allang neabat din doton te Haran, aw nesayo dan pesalo doton te Canaan. Pegdateng dan doton te Canaan,

Genesis 15:7

Minikagi heman se Timanem, “Siaken se Timanem nengibing kamno lekat te Ur te Caldea. Tod ko ibegay ko diyà kamno se tanà seini, amon tig-epoen no iyan.”

Genesis 29:4

Mig-insà si Jacob te menge telediyaga, “Elew, kenan kaw lay lekat?” Timaba dan, “Lekat kay te Haran.”

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Luc. 2:14

“Iduyun tadon den se Timanem doton diatas te langit. Begayan din te kelinaw te pedowan se otaw egkelubahan din dini te tanà.”

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 12:41

Yan se inikagi i Isaias gebii, so tapay din netegahan te melangkaw se isogò te Timanem, aw yan se intoladà din.

Ininang 22:1

Kagi din, “Menge kedomaan ko aw obanen, penenalan kaw te ikegiyen ko kenyo.”

Ininang 23:7

Peg-ikagi din kenyan, migpedindilay se Parisiyo aw Sadusiyo. Yan migpeteniyay dan.

Ininang 7:1

Mig-insà se ontò pengolo te simbahan ki Esteban, kagi din, “Benal lay se kagi dan?”

1 Korinto 2:8

Se menge otaw eglowan dini te keneyonan, wedà dan ketegahi se peglalang te Timanem, so simpana netegahan dan iyan, eked dan peden lensangi se Pengolo melangkaw doton te kros.

Efeso 1:17

Egtawal-tawal a diyà te Timanem simogò te Pengolo tadon si Jesu Cristo, aw sikandin se Timanem Amay ipegduyun tadon. Egpemoyò a diyà kandin te tebangan kaw din pineokit te Espiritu Santo, amon megkebiyasa kaw, aw amon metaga-taga kaw heman te Timanem.

Tito 2:13

Keilangan inangen tadon iyan dalem te pegtagad tadon te mèpiya aldaw aw kitaen tadon se kelangkaw te Timanem egpelowà kenitadon, si Jesu Cristo egpelimanan tadon.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

Santiago 2:1

Menge kedowa ko, aw egsalig kaw diyà ki Jesu Cristo Pengolo tadon melangkaw, yan keilangan onewaen niyo se pegsagman niyo te kedita te otaw egpemenal, pengkey sagkep aw meyaman.

Impekità 4:11

“E Pengolo day Timanem, melangkaw ka, Aw yan keilangan iduyun ka, aw segmanen ka, aw toloen ka te kedita, So sikona se mig-inang te kedita, aw Lekat te kamno ibeg, ininang no se kedita te doen seini.”