Ininang 7:16 - Manobo Sarangani

¹⁶ Inibing se lawa te nematay doton te Sikem, aw inlebeng dan kidoen te ilib doton te tanà tapay bineyadan i Abraham diyà te menge batà i Hamor.

Ininang 7:16 ပူးပေါင်းရင်းမြစ်များ

Genesis 23:16

Timandù si Abraham tepad te elagà inikagi i Efron dinineg te kedita te otaw netipon, aw yan pinisar din se epat gatos kwarta selapì, iling te pegpisar te menge tindiro, aw imbegay din iyan diyà ki Efron.

Genesis 50:13

Inibing dan se lawa din doton te Canaan, aw inlebeng dan iyan diyà te ilib kidoen te Makpela lenged te eglibtakan te lonsod te Mamre. Yan se ilib aw tanà bineyadan i Abraham ki Efron tege Heti amon inangen din lebenganan.

Genesis 35:19

Pegkematay i Raquel, inlebeng dan se lawa din medapag te dalan pesalo doton te lonsod te Efrata. (Se lonsod te Efrata, yan se iningedanan Bitlihim songkani.)

Genesis 23:4

“Kenà a tege dini, so minalin a dini kenyo. Beyadan ko peden kenyo se tanà dini amon doen lebengan ko te esawa ko nematay.”

Genesis 47:30

Ibeg ko ilebeng beling se lawa ko doton te lebenganan doma te menge kemonaan ko. Yan ibingi se lawa ko lekat dini te Ehipto, aw lebengi a doton te linebengan kandan.” Minikagi si Jose, “Ee. Toloen ko se impunù no kanak.”

Genesis 50:12

Yan tinoman te menge batà i Jacob se impunù din kandan.