Ininang 6:9 - Manobo Sarangani

⁹ Doen menge otaw migdindil kandin. Sikandan se menge tege Sirene aw tege Alejandriya egsimba doton te simbahan iningedanan “Tengke Otaw Nekelowà,” aw menge doma dan tege Silisya, aw tege Asya.

Ininang 6:9 ပူးပေါင်းရင်းမြစ်များ

Ininang 23:34

Pegbasa te gobirnador te solat, mig-insà aw kenan se probinsya linekatan i Pablo. Pegketaga-taga din te Silisya se linekatan din,

Ininang 22:3

“Siaken se doma niyo Judiyo. Timebaw a doton te Tarso, sebad lonsod doton te Silisya. Timilles a dini te Jerusalem. Si Gamaliel se meistro migtoladà kanak. Mig-iling a te kedita te punù egtoloen te kemonaan tadon. Measeb a egtolò te Timanem onawa te keaseb niyo songkani.

Ininang 15:41

Tineped dan se menge lonsod doton te probinsya te Sirya aw Silisya. Inantag dan se pedowan te menge otaw egpemenal amon melobos se pedowan dan diyà te Timanem.

Ininang 15:23

Seini se kagi te solat impeibing kandan. “Menge kedowa day kenà Judiyo doton te Antyokya, aw Sirya, aw Silisya. Se simolat kani, yan se menge sogounun i Cristo aw egpengibing te simbahan. Sikami se kedowa niyo.

Mat. 27:32

Pegkesayo dan lekat te Jerusalem, netelaan te menge sondalo se tege Sirene ngadan din si Simon. Lineges dan sikandin neniang te kros lensangan ki Jesus.

Galasya 1:21

Peglekat ko doton te Jerusalem, dimeleg a doton te Sirya aw doton te Silisya.

Ininang 21:27

Sagwa agpet den metagkas se pito se aldaw, doen menge Judiyo kenà egpemenal lekat te Asya kimità ki Pablo kidoen te dakel simbahan. Yan timawal dan diyà te menge doma otaw amon megtelaban dan megdakep ki Pablo.

Ininang 19:10

lamig te dowa se omay. Yan netegahan te kedita te otaw kidoen te Asya se kagi te Pengolo. Netegahan iyan te menge otaw Judiyo aw menge otaw kenà Judiyo.

Ininang 18:24

Doen sebad Judiyo si Apolos lekat te Alejandriya dimateng doton te Efeso. Mèpiya se pegtoladà din aw biyasa sikandin te kagi te Timanem.

Ininang 16:6

Migtoladà dan te kagi te Timanem doton te menge lonsod kidoen te Frigya aw Galasya, so sinagda dan te Espiritu Santo te eked dan pegtoladà doton te Asya.

Luc. 21:12

Meneng te eked pa iyan ketoman, dekepen kaw, aw pemilangen kaw. Okomen kaw doton te menge simbahan te Judiyo, aw kelebosowen kaw heman. Ipeibing kaw doton te menge selotan aw gobirnador tandà te pegpesakop niyo diyà kanak,

Mar. 13:9

“Meneng peg-ahà kaw, so ibingen kaw te doma otaw doton te howis, aw bedasen kaw dan kidoen te menge simbahan te Judiyo. Ipeibing kaw doton te menge gobirnador aw selotan tandà te pegpesakop niyo diyà kanak, amon mekeindan kaw te kebenalan tepad kanak diyà kandan.

Mat. 10:17

Peg-ahà kaw te menge mededaet otaw, so ibingen kaw dan doton te howis, aw bedasen kaw dan kidoen te simbahan te Judiyo.

1 Korinto 1:20

Wedad den detengan te kebiyasa te otaw eg-ikagi te biyasa dan, aw otaw egtoladà te punù ingkeliwat i Moises, aw otaw teleglawong, so impetaga-taga den te Timanem te kolang pa se kebiyasa te otaw dini te keneyonan.

Ininang 26:11

Melikit ko dan ipegpelumun doton te kedita te simbahan te Judiyo, so ibeg ko peden, lomengà dan te pegpemenal dan ki Jesus. Ontò a neopal kandan, aw pinemilang ko dan pengkey doton te mediyò lonsod.

Ininang 22:19

Minikagi a diyà te Pengolo, ‘Meneng aneng-aneng ko menenalan dan, so netegahan dan te siaken se timeped te kedita te simbahan te Judiyo amon dekepen ko aw bedasen ko se kedita te otaw nemenal diyà kamno.

Ininang 21:39

Minikagi si Pablo, “Siaken se Judiyo. Sakop a te Tarso, sìyan dakel lonsod doton te Silisya. Ibeg ko mikagi a diyà te otaw netipon.”

Ininang 19:26

Meneng kinità niyo den besi si Pablo, aw dinineg niyo heman se inikagi din. Wedad son din kekemowan te inotaw eg-inangen te otaw, so kenà ekon timanem. Medita se otaw nenenalan kandin, pengkey dini te Efeso aw doton heman te kedita te doma lonsod te Asya.

Ininang 13:45

Meneng ontò miningà se menge Judiyo kenà egpemenal so kinità dan se medita otaw netipon. Yan migsawal dan ki Pablo aw migtompuyus dan heman kandin.

Ininang 13:1

Doen menge telekeliwat te kagi te Timanem aw menenoladà te otaw egpemenal kidoen te Antyokya. Sikandan si Bernabe, aw si Simeon, se doma ngadan din si Meitem, aw si Lucio tege Sirene, aw si Saulo, aw si Manaen doma i Herod migpetillesay.

Ininang 11:20

Meneng doen menge otaw egpemenal tege Sipro aw tege Sirene dimoton te Antyokya, aw migtoladà dan heman tepad ki Jesus diyà te menge otaw kenà Judiyo.

Mat. 23:34

Isogò ko doton kenyo se menge telekeliwat te kagi te Timanem, aw otaw biyasa te kagi ko, aw otaw megtoladà kenyo. Meneng doen diyà kandan imetayan niyo, aw doen heman ilansang niyo diyà te kros. Doen heman bedasen niyo doton te menge simbahan niyo, aw memilang kaw kandan pengkey kenan dan pesalo.

Ininang 6:10

Meneng wedà dan pekedaeg kandin, so biyasa pa sikandin mikagi kandan aw tinebangan te Espiritu Santo.

Ininang 24:18

Dalem niyan, kidoen a te dakel simbahan so tinoman ko se pakang ko diyà te Timanem. Wedad palos otaw pigtipon ko. Wedà a pegsamok te doma otaw. Meneng doen menge Judiyo lekat te Asya kimità kanak.