Ininang 6:7 - Manobo Sarangani

⁷ Penga niyan, gayed in-indan se kagi te Timanem doton te menge doma ogpeanan. Migkedita se otaw nemenal doton te Jerusalem, aw medita heman se pengolo te simbahan te Judiyo nemenal.

Ininang 6:7 ပူးပေါင်းရင်းမြစ်များ

Ininang 19:20

Nedengeg se kagi te Pengolo intoladà, aw medita se otaw nemenal.

Ininang 12:24

Medita se otaw inindanan te kagi te Timanem, aw migkedita se otaw egpemenal.

Kolasas 1:6

intoladà den doton kenyo aw doton te kebelad te keneyonan. Medita den se doma otaw nemenal kenyan, aw eg-inang den dan te mèpiya. Mig-iling kaw heman kandan, so lekat te aldaw te pegdineg niyo te doen tabang te Timanem kenyo, olò mèpiya se eg-inangen niyo, so netegahan niyo den te benal iyan.

Menge Hebreo 5:9

Pineokit te pegtayod din te kedita niyan, impetaga-taga din te ontò sikandin timolò, aw yan neinang sikandin Egpelowà te kedita te otaw tomolò kandin, amon begayan din dan te kaling pedowan wedad temanan.

Roma 16:26

Meneng yan se kebenalan impetaga-taga den pineokit te insolat te menge telekeliwat te kagi te Timanem gebii. Simogò se Timanem wedad temanan te ipetaga-taga iyan diyà te kedita te otaw amon somalig dan diyà ki Cristo aw tomolò dan heman kandin.

Roma 1:5

Pineokit kandin, tinebangan a te Timanem aw ininang a din sogounun i Cristo megtoladà te kedita te otaw pengkey kenà Judiyo. Ibeg din memenal se kedita te otaw ki Cristo aw tomolò dan kandin, aw iduyun dan sikandin.

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Menge Hebreo 11:8

Simalig heman si Abraham diyà te Timanem. Pegtawal te Timanem kandin, timolò sikandin aw nesayo lekat te lonsod inogpaan din. Pegkesayo din doton, wedà din ketegahi aw kenan se dotonan din, meneng dimoton sikandin te ogpeanan impakang te Timanem kandin.

2 Timoteo 2:9

So migtoladà a te Mèpiya Indan sìyan, nelimahan a den aw kineleboso a den iling te telebonò. Pengkey ginapos a, meneng eked kesagda se pegtoladà te kagi te Timanem.

Ininang 21:20

Pegdineg dan kenyan, induyun dan se Timanem. Penga niyan, minikagi dan diyà ki Pablo, “Mèpiya so nemenal den se menge otaw kenà Judiyo, meneng ikà egkelibel te minelalan heman se Judiyo nemenal ki Jesus. Measeb dan pa egtolò te punù ingkeliwat i Moises.

Ininang 13:8

Meneng migsamok kandin se otaw biyasa egdelikmata si Elimas, so yan se gulal din kagi te Griego. Ibeg din megsagda te gobirnador amon eked sikandin pemenal.

Juan 12:42

Medita se otaw nemenal te si Jesus se insogò te Timanem, aw doen heman menge obanen te Judiyo nemenal. Meneng migbolon dan kenyan so nelemitan dan te eked dan peopi te menge Parisiyo kidoen te simbahan.

Luc. 2:34

Migtawal-tawal si Simeon te ketebangan dan te Timanem, aw minikagi sikandin diyà te inay te batà si Maria, “Na, meinang se batà seini pengilala kitaen te medita bowad-bowad i Israel. Aw komità dan kandin, medita se otaw komulu kandin aw ipelumun dan, meneng medita se doma otaw somalig diyà kandin aw mekelowà dan lekat te pelumun,

Mat. 19:30

Meneng medita se otaw melangkaw songkani meinang ontò medanà doton te peglowan te Timanem. Medita heman se otaw medanà songkani, meneng meinang dan kwani melangkaw.”

Ininang 2:47

Gayed dan ipegduyun se Timanem. Sinagman dan te menge doma otaw. Kelikit te aldaw, dinogangan te Pengolo se otaw nemenal.

Ininang 6:1

Nayan, migkedita se otaw egpemenal. Meneng migpedindilay se menge otaw egpemenal eg-ikagi te Griego aw doma eg-ikagi te Hebreo, so minikagi se menge otaw eg-ikagi te Griego te deitek olò se togpò inteped diyà te kandan menge bayi balo te kelikit te aldaw.

Galasya 1:23

Meneng dinineg dan olò diyà te menge doma otaw eg-ikagi, “Kedengan, se otaw sida, ontò din egpemilangen se kedita tadon egpemenal ki Jesus. Ibeg din kedengan, ipeimatay se kedita tadon, meneng songkani sikandin den ekon se migtoladà te pegpemenal ki Jesus.”

Galasya 6:10

Yan seini se mèpiya inangen tadon. Gayed tadon inangen se mèpiya diyà te kedita te otaw, aw labi pa diyà te menge kedowa tadon egpemenal.

Judas 1:3

Menge kedowa ko egkedekelan ko te pedowan, pengkey ontò dakel se ibeg ko somolat kenyo tepad te pegpelowà te Timanem te kedita tadon lekat te salà, meneng keilangan somolat a den kenyo te megpekagsen kaw te pegpemenal amon eked kaw dàgi te otaw meibeg peden megtodà te ontò kebenalan. Imbegay iyan te Timanem diyà te menge sakop din, aw eked iyan kepakay todaen.

Judas 1:20

Meneng menge kedowa ko egkedekelan ko te pedowan, keilangan megpekegsenay kaw amon melobos se pegsalig niyo diyà te Timanem. Pegtawal-tawal kaw pineokit te tabang te Espiritu Santo kenyo.