Ininang 6:11 - Manobo Sarangani

¹¹ Penga niyan, binoyo dan se menge doma otaw amon mikagi dan te dinineg dan si Esteban migtompuyus te Timanem aw si Moises.

Ininang 6:11 ပူးပေါင်းရင်းမြစ်များ

1 Timoteo 1:13

Kedengan te wedà a pa pemenal, migtompuyus a kandin, aw nemilang a te menge sakop din, aw nebensi a kandan. Meneng neidowan a din pa, so peg-inang ko kenyan, wedà a pa pemenal kandin, aw yan wedà ko ketegahi te medaet se ininang ko sìyan.

Roma 3:8

Simpana benal iyan, mepakay peden aw meg-inang kidon te medaet amon iduyun se Timanem. Meneng kenà iyan benal. Doen otaw egbaet-baet kanak so eden dan aw yan se ipegtoladà ko. Meneng mèpiya aw ipelumun te Timanem se otaw egtoladà iling kenyan.

Ininang 25:7

Pegdateng i Pablo doton kandin, timindeg se menge Judiyo kenà egpemenal dimateng lekat te Jerusalem. Mig-indan dan te medita se medaet ininang i Pablo, meneng wedad kebenalan impekità dan.

Ininang 25:3

Nemoyò dan te ipeangay i Festo si Pablo lekat te Sesarya aw ipeibing din doton te Jerusalem, so ibeg dan benganan dan si Pablo doton te dalan amon imetayan.

Ininang 21:28

Migbelobansag dan, kagi dan, “Menge kedomaan day bowad-bowad i Israel, telebani kay. Seini se otaw egtoladà diyà te kedita te otaw te lindoan kidon Judiyo, aw simbahan seini egpenimeneman, aw punù ingkeliwat i Moises. Labi pa medaet se ininang din seini, so inibing din se otaw kenà Judiyo dini didalem te dakel simbahan seini egpenimeneman, pengkey eked iyan kepakay.”

Ininang 18:6

Meneng neopal se menge Judiyo ki Pablo, aw migtompuyus dan kandin. Penga niyan, imbuya-buya i Pablo se saol din amon ketegahan dan te doen salà dan, so wedà dan pemenal. Minikagi sikandin, “Aw ipelumun kaw, inday kenyo aw yan se ibeg niyo. Wedad labut ko. Lekat seini, megtoladà a te menge otaw kenà Judiyo.”

Ininang 15:21

Mèpiya aw tomolò dan kenyan, so lekat te gebii doen gayed egtoladà te punù ingkeliwat i Moises te kelikit te Sebado doton te simbahan te Judiyo kidoen te teg sebad-sebad lonsod.”

Ininang 6:13

Timindeg se menge doma otaw migkebolalaw, kagi dan, “Sikandin se eglindò te simbahan seini egpenimeneman. Egtompuyusen din heman se punù egtoloen tadon ingkeliwat te kemonaan tadon si Moises.

Juan 16:3

Meneng memilang dan kenyo so wedà dan ketaga-taga te Amay ko, aw wedà dan heman ketaga-taga kanak.

Juan 9:29

Netegahan day te si Moises se insogò te Timanem. Meneng otaw sìyan, wedà day ketegahi aw sinu se simogò kandin.”

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Ininang 26:11

Melikit ko dan ipegpelumun doton te kedita te simbahan te Judiyo, so ibeg ko peden, lomengà dan te pegpemenal dan ki Jesus. Ontò a neopal kandan, aw pinemilang ko dan pengkey doton te mediyò lonsod.

Ininang 6:10

Meneng wedà dan pekedaeg kandin, so biyasa pa sikandin mikagi kandan aw tinebangan te Espiritu Santo.

Ininang 6:12

Pineokit kenyan, migsamok dan te menge doma otaw, aw menge obanen te simbahan, aw menenoladà te punù ingkeliwat i Moises. Penga niyan, ayas dan inewidan si Esteban. Inibing dan sikandin doton te menge obanen te simbahan amon okomen dan.