Ininang 5:5 - Manobo Sarangani

^5-6 Pegdineg i Ananias te kagi i Pedro, netongan sikandin aw nematay. Penga niyan, ginakes te menge telaki se lawa din, aw kinelalang dan iyan doton te lowà, aw inlebeng dan. Ontò nelemitan se kedita te otaw kimità kenyan.

Ininang 5:5 ပူးပေါင်းရင်းမြစ်များ

Ininang 2:43

Mig-inang se sogounun i Cristo te inang metolos aw kepelahan. Yan ontò nepela se kedita te otaw.

Impekità 11:13

Penga niyan, doen ontò magsen linog, aw nebàtan se ikesempolò ketengà te balay te lonsod sìyan. Pito melalan heman se otaw negelà te linog. Ontò nelemitan se otaw nesamà, aw induyun dan se kelangkaw te Timanem eg-ogpà kidoen te langit.

Impekità 11:5

Aw doen otaw meibeg megpeeleg kandan, doen apoy lomowà lekat te bahà dan amon pegbàtan se poon dan. Pineokit kenyan, imetayan dan se kedita te otaw meibeg megpeeleg kandan.

2 Korinto 13:2

Kedengan te ikedowa ko peglegeb doton kenyo, minikagi a te ipelumun ko se menge otaw mig-inang te medaet. Yan se inikagi ko diyà te menge otaw mig-inang te medaet aw menge otaw wedà peg-inang te medaet. Todà ko den heman sikiyo ikegihan te iyogan ko pineokit te pegsolat ko seini, aw domateng a kidoen, ontò ko sikiyo ipelumun,

2 Korinto 7:11

Meneng eneng-enengi niyo ini. Mèpiya diyà te Timanem se pegkelidò niyo, so lekat niyan ontò niyo impekità te netodà den se eg-inangen niyo, so ontò kaw neopal diyà te otaw doton kenyo mig-inang te medaet, aw nelemitan kaw aw ipelumun kaw. Ontò kaw egkeibeg te todà megsebad se pedowan tadon, aw megtabang kaw heman kanak. Impelumun niyo den se sìyan otaw nekesalà kidoen. Tandà te kedita te ininang niyo, wedad den isila ko kenyo.

1 Korinto 4:21

Yan sikiyo se memallì. Aw eked kaw taking te intoladà ko, ipelumun ko sikiyo aw domateng a doton kenyo. Meneng aw ibeg niyo tomolò kaw te intoladà ko kenyo, yan komità kaw te ontò dakel se pedowan ko kenyo.

Ininang 13:11

Na, mebota ka te menamay-namay, so ipelumun ka den te Pengolo. Eked ka kità.” Pegketà nebota sikandin. Wedad kinità din. Yan migkawà-kawà sikandin nengemahà te doma otaw meg-agak kandin.

Ininang 5:13

Doen menge doma otaw wedà akop diyà te otaw egpemenal tandà te ketalaw dan, meneng dimuyun dan te menge otaw egpemenal.

2 Korinto 13:10

Insolat ko tapay ini kenyo te wedà a pa pesalo kidoen, amon wedad segdahen ko aw domateng a doton, so tapay kaw timolò. Benal insogò a te Pengolo kenà amon kebàtan kaw, meneng amon ketebangan kaw.