Ininang 5:41 - Manobo Sarangani

⁴¹ Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Ininang 5:41 ပူးပေါင်းရင်းမြစ်များ

Santiago 1:2

Menge kedowa ko, aw detengan kaw te menge kelimahan, keilangan ontò kaw meluba,

Luc. 6:22

“Doen keluba te kedita niyo kebensihan te doma otaw, aw pemilangen, aw tompuyusen, aw tindàten tandà te pegtaking niyo kanak Timanem Migpekeotaw,

Filipos 1:29

Pinemallì kaw din kenà olò amon memenal kaw ki Cristo, meneng pinemallì kaw din heman amon pemilangen kaw tandà te pegtaking niyo kandin.

Juan 15:21

Meneng wedà dan ketaga-taga te simogò kanak, aw yan se doun te memilang dan heman kenyo, so migpesakop kaw diyà kanak.

2 Korinto 12:10

So egtaking a ki Cristo, ontò a den egkeluba pengkey egkelomay a, aw tompuyusen a, aw egkelimahan a, aw egpemilangen a, aw eg-elegen a, so aw egkelomay a, yan egbegayan a te Timanem te kagsen amon meketayod a.

Menge Hebreo 12:2

Keilangan tomaking kidon ki Jesus, so sikandin se ontò tadon peg-ilingan te pegsalig tadon diyà te Timanem, aw meinang heman melobos se pegsalig tadon diyà te Timanem pineokit te tabang i Jesus. Timayod sikandin te kelimahan te peglansang kandin doton te kros. Wedà sikandin keyàyà te neinang diyà kandin, meneng timayod sikandin te peg-imatay kandin, so netegahan din te meluba sikandin aw mepenga se kedita niyan. Egpenenoo den sikandin kidoen te tangkil te Timanem Amay din aw eglowan doma din.

Roma 5:3

Doen heman doma ingkeluba tadon. Neluba kidon te doen den kelimahan tadon tandà te pegtaking tadon ki Cristo, so pineokit te pegtayod tadon te kelimahan, doen keilingan tadon amon eked kidon dàgi pengkey eden se domateng kenitadon.

Menge Hebreo 10:34

Neidowan niyo se doma otaw kineleboso aw migtabang kaw kandan. Pengkey linompak se kedita te kedònan niyo, meneng gayed pa neluba se pedowan niyo, so netegahan niyo te doen ontong niyo labi pa mèpiya doton te langit eked palos kelompak lekat kenyo.

Ininang 5:21

Peglibtak te aldaw, minawop se menge sogounun i Cristo doton te dakel simbahan aw todà dan migtoladà. Dalem niyan, migtipon se ontò pengolo te simbahan, aw menge otaw neketetondog kandin, aw kedita te doma obanen te simbahan. Impeangay dan se sogounun i Cristo lekat te keleboso.

Ininang 21:13

Meneng minikagi si Pablo, “Ikà niyo egkelag. Ikà niyo egpemegay te lidò diyà te pedowan ko, so wedad beloyan aw iketan a doton te Jerusalem. Wedad heman beloyan aw imetayan a tandà te pegsalig ko diyà te Pengolo tadon si Jesus.”

3 Juan 1:7

Se menge otaw eglegeb amon megtoladà te doma otaw tepad ki Jesu Cristo, kenà dan egbegayan te tabang lekat te otaw kenà egpemenal.