Ininang 5:40 - Manobo Sarangani

⁴⁰ Penga niyan, aneng-aneng dan, mèpiya se inikagi i Gamaliel. Peg-angay dan te menge sogounun i Cristo, impebadas dan pa. Migpunù dan kandan te eked dan palos peg-indan tepad ki Jesus. Penga niyan, impelowà dan.

Ininang 5:40 ပူးပေါင်းရင်းမြစ်များ

Mat. 10:17

Peg-ahà kaw te menge mededaet otaw, so ibingen kaw dan doton te howis, aw bedasen kaw dan kidoen te simbahan te Judiyo.

2 Korinto 11:24

Mekelima a bedasi te menge doma ko Judiyo te ketlowan teg siyam a kesogat te kelikit te badas.

Ininang 5:28

“Kedengan, migpunù kay kenyo te eked kaw palos pegtoladà tepad te otaw egtekingan niyo. Meneng wedà kaw tolò, so songkani, netaga-taga se kedita te otaw dini te Jerusalem te intoladà niyo. Eg-ikagi kaw heman te sikami se otaw migpeimatay te egtekingan niyo.”

Mar. 13:9

“Meneng peg-ahà kaw, so ibingen kaw te doma otaw doton te howis, aw bedasen kaw dan kidoen te menge simbahan te Judiyo. Ipeibing kaw doton te menge gobirnador aw selotan tandà te pegpesakop niyo diyà kanak, amon mekeindan kaw te kebenalan tepad kanak diyà kandan.

Luc. 20:10

Pegdateng te aldaw te peglegani, doen sineligan insogò te tig-apò amon doen talad te paras ebaten din lekat te otaw impetonggò din. Meneng pegdateng te sineligan doton kandan, binadas dan sikandin aw impekesayo dan te wedad palos imbegay kandin.

Mat. 23:34

Isogò ko doton kenyo se menge telekeliwat te kagi te Timanem, aw otaw biyasa te kagi ko, aw otaw megtoladà kenyo. Meneng doen diyà kandan imetayan niyo, aw doen heman ilansang niyo diyà te kros. Doen heman bedasen niyo doton te menge simbahan niyo, aw memilang kaw kandan pengkey kenan dan pesalo.

Mat. 20:19

Ibegay a dan heman diyà te belad te otaw kenà Judiyo. Kebebeyatan a dan, aw bedasen a dan, aw penga niyan ilansang a diyà te kros amon matay a. Penga niyan, meantay a lekat te nematay te iketelo te aldaw.”